2 Kronikas 24
24
O Joas charoil
2 R 12.1-21
1E Joaseke sea efta burs kana thodape te charoil, ta charoisarda ando Jerusalem saranda burs. Leki dei saia e Sibia, ta voi saia katar o Berseba. 2O Joas saia lacho angla o Del kana zivila o popo o Joiada. 3O Joiada zinisailo duie diskienchar, ta avila le e Joaseke, chave ta chorra.
4Mapalal o Joas mangla te lacharel o cher e Devleko, 5goleke chidia e poponen ta e levitonen, ta phenda lenge:
Llan pe sa e forichura katar o Juda ta chiden love katar sa e israelitura, te sai lachara o cher e Devleko suako burs. Sigaren te llan. A e levitura ni sigarde. 6Ondaka o charo ikharda e mai bare popo e Joiadae ta phenda leke:#2 R 12.7-9; Ek 25.1-9; 30.11-16; Nej 10.33.
¿Soke ni cherdan te anen e levitura so si dino katar o Juda ta o Jerusalem, gia sar o Moises, sluga e Devleko ta o foro katar o Israel phende alav te chiden pala o santuario katar e alava?
7Soke e Atalia, kai saia but bilachi, ta lake chave, zatrisardea o cher e Devleko, ta liea sa e ezgode katar o cher e Devleko ta dielen e delenge kai von blagosina. 8Ondaka o charo phenda te cheren iek bauli, ta thodele avri, pasa o udar katar o cher e Devleko. 9Mapalal inllarde e viasta pe sa o Juda ta o Jerusalem kai saia te inllaren so si dino, gia sar o Moises phendaia e foroke katar o Israel kana sea po pusto. 10Ta sa e gazda ta sa o foro llele veselimaia te thoven so si dino ando bauli, lligo ni pherdilo. 11E levitura inllarena o bauli kai o charo te sai dikhel le. Ta kana o charo dikhela kai sea but love, avela o pismiri e charoko, ta o lleno kai thodaiale o baro popo. Ondaka chucharena o bauli, ta thovena le pale pe po than. Gia cherenale suako llive, ta chidena but love. 12Ta o charo ta o Joiada dena e love e llenen kai dikhena o rado ando cher e Devleko, te sai pochinen e llenenge kai radina ande barra ta e kasta ta kai lacharena o cher. Ta i pochinena e llenenge kai radina ando sastri ta o tuch te sai lacharen o cher e Devleko. 13Ta e llene thodepe te radin, ta o rado llelo angle oma, ta lacharde o cher e Devleko sar mangena te cheren le. 14Kana getosarde o rado, inllarde kai o charo ta kai o Joiada e love kai achile, ta gale lovenchar cherde e ezgode katar o cher e Devleko, ezgode te blagosin e Devle ta te cheren e kurbanura. E roia bare, e tasura sunakune ta rupune. Ande llivesa katar o Joiada dena suako drom kurbanura ando cher e Devleko.
15Ta o Joiada phurilo, ta kana saia but phuro, mulo. Kana mulo sea leke stotina ta tranda burs, 16ta prajosarde le ando foro e Davideko pasa e charura, soke saia lacho e Israelea, e Devlea ta leke cherea.
17Mapalal kana mulo o Joiada avile e gazda katar o Juda ta die liubao e charoke. Ta vou asunda len kana phende leke so saia te cherel, 18a von mukle o cher e Devleko, o Del katar lenge purane, ta thodepe te blagosin e slike katar e Asera ta avere delen. Goleke o Del jolailo po Juda ta po Jerusalem. 19A o Del bichalda lenge poraukura te irinpe lete. A e llene ni kam le te kanden e profetanen.
20Ondaka avilo o duo e Devleko po Zakarias, chavo katar o popo o Joiada. Ta o Zakarias thodape pe porrne pe iek than vazdino, ta phenda e foroke:
Gia phenel o Del: ¿Soke ni kanden me zakonura? ¿Soke isto tumen roden tumari zatrania? ¡Tumen muklen man, i me ka mukav tumen!
21A o charo phenda ta von chudie e barrenchar ande lete ta mundarde le ande bar katar o cher e Devleko.#Mt 23.35; Lk 11.51. 22O charo o Joas bristardape kai o Joiada saia leko pharnavo, ta mundarda leke chave, kai kana merela phenda:
¡O Del te dikhel so chere ta te dikhavel tut!
23Kana nakhla burs llive, avile e boñikura katar e Siria te marenpe lea. Ta avile ando Juda ta ando Jerusalem, zatrisarde e foro ta e llenen mai preche. Ta sa e ezgode kai lie, bichalde len e charoke katar o Damasko. 24Makar avile cherricha boñikura katar e Siria, o Del cherda te dobin bute boñikonen soke muklea e Devle, o Del katar lenge purane. Gia o Del krisisarda e Joase pala so cherdaia.
25Kana e siriura lleletar, mukle le nasualo. Ta leke sluge mislisaile te cherel te pochinel o meripe katar o chavo e Joiadaeko o popo, ta ranisarde le ande postelia ta mulo. Ta prajosarde le ando foro e Davideko a na ande limoria katar e charura. 26O Zabad chavo katar o Simeat amonita, ta o Jozabad chavo katar o Simrit moabita, sea e llene kai mislisaile te mundaren e Joase.
27E chave katar o Joas, e but love kai cherda ta o lachardipe katar o cher e Devleko, sa si pisime ando lil katar e charura. Mapalal charoisarda leko chavo o Amasias.
Currently Selected:
2 Kronikas 24: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
