2 Kronikas 23
23
1Ando eftato burs o Joiada ikharda e gazden katar e boñikura, e Azariase chavo katar o Jerojam, e Ismaele chavo katar o Joanan, e Azariase, chavo katar o Obed, e Maaseiase, chavo katar o Adaias, ta e Elisafate chavo katar o Zikri, ta cherda te achen zanio. 2Von llele pe sa o Juda ta chidie e levitonen katar sa e forura e Judaeke ta e gazden katar e familie katar o Israel ta avile ando Jerusalem. 3Kote sa e llene kai chidinaile achile pe orba e charoia ando cher e Devleko.
Ta o Joiada phenda lenge:
¡Etalo kate o chavo e charoko! Vou morabi te charoil, sar phenda le o Del katar e familia e Davideki.#2 S 7.12. 4Gia ka cheren tumen: Iek katar suako trin levitura kai sai den ando sabado, ka arakhen e udara katar o cher, 5suako trin tumendar ka arakhen o cher e charoko, ta trin tumendar o udar katar o Simiento, ta sa o foro ka avel ande bar katar o cher e Devleko. 6Te na del andre niko, samo e popura ta e levitura kai radin e Devleke. Samo von sai te den andre, soke von si thode te radin ando cher e Devleko, a o foro ka arakhel angla o Del. 7Ta e levitura ka thovenpe truial katar o charo, suako iek pe ezgodenchar marimake, ta o lleno kai ka mangel te del ando cher e Devleko, ka merel. Von ka llan e charoia kaigo ka llal vou.
8E kapitanura cherde sa so phenda lenge o Joiada. Suako kapitan inllarda pea e boñikura kai arakhena ando sabado ta kai likena te arakhen, ta avile kai o popo o Joiada. 9Ta o Joiada dia e kapitanen e jarnia ta e eskudura kai sea katar o charo o David ta kai sea ando cher e Devleko. 10Mapalal thoda pe rig e chachi ta stingo katar o cher e Devleko ta truial katar o altar, suako boñiko pe ezgodenchar marimake te sai arakhen e charo. 11Ondaka o Joiada ikanda e chave katar o charo ta thoda pe lete e korona ta e sellura katar e charoina. Ta kana thoda zeitino pe leko soro urkisarde:
¡Te zivil o charo!
12Kana e Atalia asunda o urkipe katar e llene kai blagosina e charo, lleli ando cher e Devleko, 13ta dikhla kote e charo pasa o direko sar cherela suako drom. Pasa le sea e gazda, e llene kai basalena ta sa e llene vesele basalena ande tuturuge, ta llilabena ande basalde ta inllarena e llilia e Devleke. Ondaka e Atalia pharrada pe patave ta urkisarda:
¡Kojaipe! ¡Kojaipe!
14A o popo o Joiada phenda e llenenge kai gazdarina pe boñikonen:
¡Ikanen la avri ta mundaren e llene kai ka llal pala la!
Ta sar o popo phendaia te na mundaren la ando cher e Devleko, 15phangle la ta ikande la katar o udar e grastengo ando cher e charoko, ta kote mundarde la.
16Mapalal o Jodaia cherda te achen po alav e Devlea o charo ta o foro, kai von ka aven o foro e Devleko. 17Ta sa o foro dia ando cher e Baaleko ta zatrisarde le. Zatrisarde e thana kai dena kurbanura ta zatrisarde lenge delen. Chinde e kor katar o popo o Matan angla e thana katar e kurbanura e Baaleke. 18Mapalal o Joiada thoda boñikonen te arakhen o cher e Devleko, telal katar o gazdaripe katar e popura ta levitura kai o David thodaia te radin ando cher e Devleko, te sai den kurbanura ande veselia ta llilia, prema sar sikada o Moises. 19Ta i thoda llenen te arakhen e udara katar o cher e Devleko, te na del andre niko kai ni saia chisto. 20Mapalal o Joiada lia e kapitanen, e boñikonen ta sa e llenen mai preche ta llele e charoia katar o cher e Devleko llik kai o cher e charoinako. Ta die katar o udar e charoko kai si upre katar leko cher, ta besalde le pe leko trono. 21Sa o foro veselisailo ta achilo esmiro, soke mundardea e churiaia e Atalia.
Currently Selected:
2 Kronikas 23: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
