2 Kronikas 22
22
O Okozias
2 R 8.25-29
1E llene katar o Juda thode e Okoziase po than e Jorameko, leko chavo mai terno, soke e kochkaria kai avilea e arabeonenchar mundardea sa e chaven mai puranen katar o Joram. Goleke o Okozias thodape te charoil. 2Sea leke saranda ta dui burs kana thodape te charoil. Charoisarda ando Jerusalem iek burs. Leki dei ikhardola Atalia ta saia katar e familia katar o Omri. 3O Okozias cherda o bilachipe angla o Del sar cherdeale o Ajab ta leki familia, soke leki dei sikavela le te cherel o bilache, 4ta i e familia katar o Ajab sikavena le te cherel o bilachipe angla o Del, goleke jasailo o Okozias.
5O Okosias amisailo e Joramea te marelpe ando Ramot katar o Galaad e charoia katar e Siria, o Jazael. Ando maripe e siriura ranisarde e Jorame, 6ta o Joram irisailo ando Jezreel te sastol katar pe rane. Ondaka o Okosias llelo ando Jezreel te dikhel e Jorame soke saia nasualo.
O Jeu mundarel e Okoziase
2 R 9.27-29
7Kana o Okozias llelo te dikhel e Jorame, gua saia e Devletar te sai merel. Soke samo kana avilo likisto e Joramea te marenpe e chavea katar o Nimsi, o Jeu, kai o Del thodaia le te zatril e familia katar o Ajab. 8Kana o Jeu krisisarda e familia katar o Ajab, malada e llenen mai preche katar o Juda ta e familia katar o Okozias kai radina leke, ta mundarda len. 9Ta phenda te roden e Okoziase kai gurudilo ande Samaria, ta kana malade le inllarde le kai o Jeu ta mundarde le. A prajosarde le, soke saia chavo e Josafateko kai sa pe liea rodia e Devle. Gia niko ni achilo ande familia katar o Okozias te lel o gazdaripe katar e charoina.
E Atalia lel o trono
2 R 11.1-21
10Kana e Atalia kai saia e dei katar o Okozias llangla kai lako chavo mulo, mundarda sa e familia e charoinaki katar o Juda. 11A e Joseba, chorri katar o charo o Joram, lia e Joase, chavo katar o Okozias, ta guruda le ande iek soba kana mundarena e chaven katar o charo. Gia ni mundarde le, soke e Joseba chorri e Jorameki, phei katar o Okozias ta rromi katar o popo Joiada, guruda le katar e Atalia. 12O Joas achilo gurudino laia ando cher e Devleko sov burs. Ta e Atalia saia e charoina pe sa e phuv.
Currently Selected:
2 Kronikas 22: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
