2 Kronikas 21
21
O Joram charoil
2 R 8.16-24
1O Josafat mulo ta prajosarde le ando foro e Davideko. Mapalal pe leko than charoisarda leko chavo o Joram. 2E phlal katar o Joram, chave katar o Josafat, sea: O Azarias, o Iejiel, o Zakarias, o Mikael ta o Sefatias. Sa gala sea chave katar o Josafat, charo e Israeleko. 3Leko dad diaia len but ezgode sunakune, rupune, ta ezgode sukar. Ta dia len forura zidome ando Juda, a e charoina dia la e Jorameke, soke vou saia o chavo mai purano. 4A o Joram kana cherdilo zuralo ande pe dadeko trono, mundarda e churiaia pe phlalen ta nesave gazden katar o Israel. 5Sea leke tranda ta dui burs kana thodape te charoil, ta charoisarda ando Jerusalem ojto burs. 6A cherda o bilachipe angla e akha e Devleke, gia sar cherdea e charura katar o Israel ta o porodo e Ajabeko, soke leki rromi saia e chei e Ajabeki. 7A o Del ni kamla te zatril e chaven katar o David pala o alav kai achiloia e Davidea, kana phenda leke kai leke chave ka aven len iek lampara phabardi ostade.#1 R 11.36.
8Kana o Joram charoila, o Edom vazdinailo po Juda ta isto von thode peke iek charo.#Jen 27.40. 9Ondaka o Joram llelo pe boñikonenchar, pe bordonenchar marimake, ta orachaia die pe edomitura kai truisardea len. 10A o Edom ni achilo telal tala o gazdaripe katar o Juda llik akana. Ta ande gua vreme i o foro katar e Libna ni kandia ios e Judae, soke o Joram muklaia e Devle, o Del leke puranengo. 11Ta cherda thana vazdine pe burdura katar o Juda, ta cherda te blagosin len e llene katar o Juda.
12Ondaka avilo kai o Joram iek lil katar o profeta o Elias kai phenela gia: O Del, Del e Davideko cho dad phenel chuke gia:
Ni san sargo o Josafat cho dad, ta ni sargo o Asa, charo e Judaeko, 13san sargo e charura katar o Israel, ta cherdan te blagosin avere delen e llene katar o Juda, isto gia sar cherda le e familia katar o Ajab. Ta i mundardan che phlalen kai sea mai lache neko tu. 14Goleke o Del ka cherel te perel pe cho foro, pe che chave, pe che diskinie ta pe sa so si tut iek bari zatrania. 15Ta pe tu ka peren but muke. Ka nasuaol katar che porra lligo ni ka liken tutar avri.
16Ondaka o Del cherda te joliaon po Joram e filisteura ta e arabura kai sea pasa e llene katar e Etiopia, 17ta avile te den pe phuv, ta lie sa so saia ando cher e charoko. Lie leke chaven ta leke diskinien, samo achilo o Joakaz kai saia o mai terno. 18Mapalal o Del cherda te nasuaol katar po lli, kai nasti sastola. 19Ta kana nakhle dui burs, leke porra likiste avri pala leko nasualipe ta mulo ande bari duk. Ta ni phabarde iag te den le liubao, sar cherdea leke dadenge. 20Kana thodape te charoil sea leke tranda ta dui burs, ta charoisarda ando Jerusalem ojto burs. Kana mulo niko ni rovda pala le. Ta prajosarde le ando foro e Davideko, a na ando limori katar e charura.
Currently Selected:
2 Kronikas 21: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
