2 Kronikas 17
17
O Josafat charoil
1Po than katar o Asa charoisarda leko chavo o Josafat kai cherdilo baro dusmano katar o Israel. 2Thoda boñikura ande sa e forura zidome katar o Juda ta ande forura katar o Efrain kai liaia o Asa, leko dad.
3O Del saia e Josafatea, soke llelo pe droma katar o David, leko purano, ta ni blagosisarda e baalen, 4samo e Devle, o Del leke dadeko, ta ni cherda prema leke zakonura. 5Goleke o Del zuriarda e charoina ande leke va, ta sa o Juda dia e Josafate but ezgode sukar, ta saia le barvalipe ta dragostia. 6Phirda sa pe liea pe droma e Devleke, ta ikanda katar e thana vazdine e slike katar e Asera kai sea ando Juda.
7Ando trito burs sar kana thodape te charoil bichalda pe slugen o Ben Jail, o Abdias, o Zakarias, o Natanael ta o Mikaias, te sikaven ande forura katar o Juda, 8ta lenchar llele e levitura o Semaias, o Netanias, o Zebadias, o Asael, o Semiramot, o Jonatan, o Adonias, o Tobias ta o Tobadonias. Ta i llana e popura o Elisama ta o Joram. 9Bichalda len te sikaven e llenenge katar o Juda o lil katar o zakono e Devleko. Ta llele pe sa e forura katar o Juda ta sikavena e llenenge.
10Ta e phuvia kai sea truial katar o Juda darana e Devletar, goleke ni likena te marenpe e Josafatea. 11Ta nesave filisteura anena ezgode sukar ta rup e Josafateke, ta e arabura ande leke efta milie ta efta stotine bakre, ta efta milie ta efta stotine busne.
12Ta o Josafat cherdilo but zuralo. Vazdia ando Juda glamne chera, ta forura te guruven ande lende o lliu. 13Sea le but chera ande forura katar o Juda, ta ando Jerusalem sea le boñikura tromane. 14Ta gala si e boñikura tromane prema lenge dada:
15Pasa le saia o Joanan, ta lea dui stotine ta ojtovardes milie boñikura, 16lea saia o Amasias chavo katar o Zikri, kai isto vou petar thoda te radil e Devleke, ta lea dui stotine milie murusa tromane.
17Katar o Benjamin saia o Eliada kai saia iek boñiko but tromano, ta lea dui stotine milie murusa kai inllarena arkura ta eskudura. 18Pasa le saia o Jozabad, ta lea ojtovardes milie lacharde te llan po maripe.
19Sa gala radina e charoke bi te llindol ogolen kai o charo thodaia ande forura zidome ande sa o Juda.
Currently Selected:
2 Kronikas 17: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
