2 Kronikas 16
16
O Asa achel po alav e Ben Adadea
1 R 15.16-22
1Kana nakhle tranda ta sov burs sar kana thodape te charoil o Asa, o Baasa charo e Israeleko avilo te marelpe e Judaia, o Baasa phangla o foro Rama te na mukel te likel o te del andre nika katar o Asa, charo e Judaeko. 2Ondaka o Asa lia sa o sunakai ta o rup kai saia ando cher e Devleko ta ando cher e charoinako, ta bichalda le e slugenchar kai o Ben Adad, charo katar e Siria kai saia ando Damasko. Ta bichalda iek lil kai phenela: 3Aide te acha po alav tu ta me, isto gia sar cherde le amare purane. Me dav tut gava sunakai ta rup. Phag cho alav kai si tut e charoia e Israeleko o Baasa, ta gia ka mukel man.
4Ta o Ben Adad cherda so mangela letar o charo o Asa, ta bichalda boñikonen te den pe forura katar o Israel. Ta dobisarde e forura katar o Ijon, Dan, Abel Maim ta sa e forura katar o Neftali kai saia gurudino o jape. 5Kana o Baasa llanglale, mukla te vazdel o Rama. 6Ondaka o charo o Asa chidia sa e foro katar o Juda. Ta lie katar o Rama e barra ta e kasta kai o Baasa andaia te vazdel o foro ta lenchar o Asa vazdia e Geba ta e Mizpa.
7Ta o profeta Janani llelo te dikhel e Asae te phenel leke:
E boñikura katar o charo e Siriako nasle tutar soke uzdisailan ando charo katar e Siria a na ando Del. 8¿Ni sea e llene katar e Etiopia ta katar e Libia, boñikura but zurale kai sea len but gra ta bordona marimake? A o Del cherda te dobi len soke uzdisailan an ande lete. 9Soke o Del dikhel sa so nakhel ando sueto, te sai del zor ogolen kai uzdinpe ande lete. ¡Cherdan baro dilipe! Soke katar angle ka avel pe tute ios maripe.
10Ondaka o Asa jolailo but po profeta ta phangla le. Ta ande gua vreme o Asa saia bilacho nesave llenenchar katar leko foro.
O meripe katar o Asa
1 R 15.23-24
11Sa e ezgode kai cherda o Asa si pisime ando lil katar e charura e Judaeke ta e Israeleke. 12Ando tranda ta iniato burs sar kana thodape te charoil, o Asa nasuailo katar pe porrne. A ni mangla e Devletar te sastarel le, soke vou llelo kai e doktoria. 13Ta mulo ando burs saranda ta iek sar kana thodape te charoil, 14Kana mulo o Asa, prajosarde le ando foro katar o David, leko dad. Ta thode le pe iek postelia pherdi merisura sukar kai cherdeale e llene sikade ande merisura. Ta phabarde bari iag te den le liubao.
Currently Selected:
2 Kronikas 16: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
