2 Kronikas 15
15
O Asa lacharel o blagosipe e Devleke
1 R 15.13-15
1O duo e Devleko avilo po Azarias chavo katar o Oded, 2ta likisto te maladol e Asaea ta phenda leke:
¡Asun man Asa, ta sa e llene katar o Juda ta o Benjamin! O Del ka avel tumenchar te avilen tumen lea. Te rodena le ka malaven le, a te mukena le, i vou ka mukel tumen. 3O Israel si but vreme kai inai le o Del chachuno, ta inai le popura te sikaven len e ezgode e Devleke, ta bi zakonoia. 4Ta kana o foro saia ande bari patnia, rodia e Devle, o Del e Israeleko, ta vou sikadola lenge. 5Ande gua vreme ni saia e pas nika, ni e llene kai avela, ni e llene kai likela. Samo brige saia ande gola phuvia. 6E llene zatrinape maskar pe, ta iek foro marelape averea, soke o Del cherda te avel pe lende but brige. 7A len tumenge zor, na jasaren tumaro pachape, soke si iek chari tumare radoke.
8Kana o Asa asunda e alava katar o profeta, lia peke zor ta ikanda sa e delen kai sea ando Juda ando Benjamin ta ande forichura kai liaia pe burdura katar o Efrain. Ta vazdia pale o altar e Devleko kai saia angla o udar katar o cher e Devleko. 9Mapalal chidia sa e Judae ta o Benjamine ta e llenen katar aver phuvia kai sea ando Efrain, ando Manases ta ando Simeon, soke but llene katar o Israel llelea te pomozin e Asae soke dikhlea kai o Del saia lea.
10Ta chidinaile ando trito chon katar o desupanchto burs sar kana thodape te charoil o Asa, 11die kurbanura e Devleke, efta stotine guruva ta efta milie bakre kai liea katar pe dusmanura. 12Mapalal achile pe orba kai ka roden e Devle sa pe liea, o Del katar lenge purane. 13Ta jale sovel kai o lleno kai ni ka rodel e Devle, te avea purano o terno, murus o diskinia, ka merel. 14Jale sovel e Devleke ando baro avazi, urkisarde veselimatar kana basalena e tuturuge ta e singa. 15Sa o Juda veselisailo soke jale sovel e Devleke, soke jalea sovel pe liea ta i soke rodie e Devle ta malade le. Ta o Del dia len e pas pe suako rig.#Dt 4.29; Jer 29.13.
16Ta i lia o gazdaripe katar leki baba, e dei katar e Maaka, te na avel charoina soke cherdaia iek slika katar e Asera. O Asa zatrisarda goia slika ta phabarda la pasa o paiorro katar o Sedron. 17Ta makar ni perada e thana vazdine, o lio e Asaeko saia orta angla o Del sa e llivesa katar leko zivoto. 18Ta i thoda ando cher e Devleko e ezgode dine kai diaia leko dad ta kai i vou dia, sunakai, rup, ta ezgode sunakune. 19Ni saia maripe llik kai e tranda ta panchto burs sar kana thodape te charoil o Asa.
Currently Selected:
2 Kronikas 15: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
