2 Kronikas 14
14
O Asa charoil ando Juda
1 R 15.8-12
1Kana mulo o Abias, prajosarde le ando foro katar o David. Mapalal charoisarda pe leko than leko chavo o Asa. Ande leke llivesa ni saia maripe ande phuv des burs.
2O Asa saia lacho ta orta angla o Gazda leko Del. 3Soke ikanda e thana kai blagosina avere delen, ta e thana vazdine. Phagla e pechine ta zatrisarda e slike katar e Asera.#2 Kr 33.15; Ek 23.24; 34.13. 4Ta phenda e Judaeke te roden e Gazda, o Del katar lenge purane, ta te cheren so phenel o zakono ta leke alava. 5Ikanda katar sa e forura katar o Juda e thana vazdine ta e slike. Ta leki charoina saia ande pas kana vou charoisarda.
6Ta ande sa gola bursa kai ni saia maripe, soke o Del diaia e pas ande phuv, o Asa vazdia forura zidome. 7Ta phenda e llenenge katar o Juda:
Aven te chera zurale gala forura ta ka vazda truial lendar zidura, bare chera, udara ta alkave. E phuv si amari soke amen rodiam e Devle, ta vou dia amen e pas pe suako rig. Ta cherde sa gala ezgode, ta llela lenge sukar.
8E Asae sea le trin stotine milie boñikura katar o Juda kai inllarena eskudura ta jarnie, ta dui stotine ta ojtovardes milie boñikura katar o Benjamin kai i von inllarena eskudura ta arkura. Sa sea boñikura tromane. 9O Zeraj etiope avilo millone boñikonenchar ta trin stotine bordonenchar marimake te marelpe lenchar. Avilo llik kai o Maresa. 10Ondaka o Asa pe boñikonenchar, lachardepe e marimake ande umal katar o Sefata pasa o Maresa. 11Ta o Asa ikharda pe Devle e Gazda, ta phenda:
¡Ioi Devla, chuke si sa iek te pomozi e llene kai si le zor ta i gole kai inai le zor! Goleke, pomozisar amen soke amen uzdi amen ande tute, ta ande cho anav likistam te mara amen gale boñikonenchar. Tu san amaro Del. ¡Cher te dikhol kai niko nasti marelpe tuia!
12Ta o Del zatrisarda e etiopeen angla o Asa ta angla o Juda, ta e etiope nasle. 13Ta o Asa ta leke llene rodie len llik o Gerar ta mundarde sa e etiopeen, ni achilo llundo ni iek lendar, ta lie lendar but ezgode. 14Ta die pe sa e forura kai sea truial katar o Gerar, soke e dar e Devleki peli pe lende. Ta lie e ezgode katar sa e forura, soke e ezgode kai sea ande lende sea but. 15Ta die po pero katar e llene kai sea len guruva, ta inllarde peke but bakre ta deve. Ondaka irisaile ando Jerusalem.
Currently Selected:
2 Kronikas 14: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
