2 Kronikas 13
13
O Abias charoil ando Juda
1 R 15.1-7
1Ando burs desojto katar o charo o Jeroboam chavo katar o Nabat, o Abias thodape te charoil ando Juda, 2o Abias charoisarda trin burs ando Jerusalem. Leki dei saia e Mikaias e chei katar o Uriel katar o Gabaa. Ta saia maripe maskar o Abias ta o Jeroboam. 3Kana o Abias thodape te marelpe sea lea star stotine milie boñikura katar e mai lache. Ta e Jeroboame sea ojto stotine milie boñikura katar e mai lache. 4Ondaka o Abias po burdo katar o Semaraim kai si ando Efrain, urkisarda:
¡Jeroboam ta sa o Israel, asunen man! 5¿Tumen ni llanen kai o Del dia e charoina e Davideke ta leke chavenge pe sa o Israel ostade ande sovlia katar o lon? 6A o Jeroboam, chavo katar o Nabat, sluga katar o Salomon, chavo katar o David, vazdinailo pe po gazda. 7Ta chidinaile lea murusa kai ni radina ta bilache, ta dobisarde e Roboame chavo katar o Salomon, soke saia terno ta kovlo. Ni saia le e zor te sai dobil len. 8Ta akana tumen mangen te vazdiniaon pe charoina e Devleki kai si ande va katar e chave e Davideke, soke tumen sen but llene, ta si tumen e telchura sunakune kai o Jeroboam cherda tumenge te aven tumare dela. 9¿Ni tradien e poponen katar o Del, e porodo katar o Aaron ta e levitonen? ¿Ni thoden tumen popura sar cheren le ande aver phuvia? ¡Suako lleno kai avel te chistolpe iekhe telchoia ta efta busnenchar sai avel popo katar e dela kai inai dela! 10A amenge o Del si amaro Gazda ta ni muklam le. E popura kai radin e Devleke si katar o porodo e Aaroneko, ta gola kai blagosin e Devle si levitura. 11Von thiarinako ta pasa e riat den kurbano phabardo, ta phabaren o taimano e Devleke. Thoven o marrno dino po stali chistome ta e memelia katar o kandelabro sunakuno te phabon suako llive. Soke amen chera so phenda o Del, a tumen muklen le. 12O Del si kai gazdaril pe amende, ta e popura si lacharde te basalen e tuturuge pe tumende. ¡Ioi chave katar o Israel, na maren tumen e Devlea, o Del tumare puranengo soke ni ka dobin!
13O Jeroboam phendaia pe boñikonenge te den palal pala lende, a nesavenge phenda te achen, ta gia e boñikura katar o Jeroboam achile angla e boñikura katar o Juda, ta ogola boñikura die palal pala lende. 14Ta kana dikhle pala pete e boñikonen katar o Juda, acharde kai dena pe lende anglal ta i palal. Ondaka ikharde e Devle ta e popura basalde ande tuturuge. 15Kana e boñikura katar o Juda urkisarde bare avazea, o Del cherda te dobil o Abias ta o Juda, ta o Jeroboam ta sa o Israel jasarde. 16E israelitura nasle katar e boñikura e Judaeke soke o Del thoda len ande lenge va. 17Ta o Abias ta leke llene mundarde panch stotine milie katar e mai lache boñikura katar o Israel. 18Gia achile ando lallao e israelitura goia drom, a e llene katar o Juda cherdile zurale soke uzdinape ando Gazda, o Del katar lenge purane.
19O Abias rodia e Jeroboame ta lia letar e forura Betel, Jesana ta Efrain, ta e forichura kai sea truial. 20Ta o Jeroboam ni gazdarisarda ios ande sa e llivesa katar o Abias. Mapalal o Del ranisarda e Jeroboame ta mulo. 21A o Abias cherdilo zuralo ande charoina. Sea le desustar rromia, bis ta dui chave ta desusov chorra. 22Sa so cherda o Abias ande po zivoto si pisime ando lilo katar o profeta o Iddo.
Currently Selected:
2 Kronikas 13: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
