2 Kronikas 12
12
O Sisak del ando Juda
1 R 14.21-31
1Kana o Roboam cherda te avel e charoina zurali, mukla o zakono e Devleko, ta sa o Israel cherda sargo vou. 2Ta pala e panch burs kai gazdarila o charo o Roboam, avilo o Sisak charo katar o Ejipto te marelpe e foroia katar o Jerusalem. 3Lea avile milia ta dui stotine bordona marimake, sovardes milie boñikura kai llana pe gra, ta but boñikura katar e Libia, o Suken ta Etiopia kai avena lea katar o Ejipto. 4Lia e forura zidome katar o Juda, ta avilo llik kai o Jerusalem.
5Ondaka o profeta o Semaias avilo kai o Roboam ta e gazda katar o Juda kai chidiniaona ando Jerusalem pala o Sisak kai avela pase, ta phenda lenge:
O Del phenel kai tumen muklen le, goleke akana vou mukel tumen ande va katar o Sisak.
6Ta e gazda katar o Israel ta o charo, sa pe liea phende:
¡Chacho si o Del!
7Kana o Del dikhla kai keisaile, phenda gia e Semaiaseke:
Soke keisailen, ni ka zatriv tumen, a ka braduiv tumen oma, ta ni ka perel mi joli po Jerusalem ande va katar o Sisak. 8A tumen ka aven telal katar leko gazdaripe, ta ka dikhen so si te radin mange ta te radin avere charonenge katar aver phuvia.
9O Sisak charo katar o Ejipto, dia po Jerusalem ta lia o barvalipe katar o cher Devleko. Chorda sa, ta lia e eskudura sunakune kai cherdaia o Salomon. 10Goleke o charo o Roboam cherda eskudura tuchne ta dia len e gazdenge katar e boñikura kai arakhena o udar katar o cher e charoinako. 11Kana o charo avela ando cher e Devleko, e boñikura kai arakhena anena e eskudura. Ta kana inllarena len, thovena len ande soba e boñikonengi. 12Gia e joli e Devleki achili soke o Roboam keisailoa, ta ni zatrisarda len sa. Ta i ando Juda llela lenge sukar.
13O gazdaripe katar o Roboam ando Jerusalem cherdilo mai baro. Kana thodape te charoil sea leke saranda ta iek burs. Charoisarda desefta burs ando Jerusalem, kai saia o foro kai o Del esvirisarda maskar sa e viche katar o Israel te thovel po anav kote. E dei katar o Roboam saia e Naama, ta voi saia katar o Amon. 14O Roboam cherda o bilachipe angla o Del, soke ni rodia sa pe liea e Devle.
15Sa e ezgode kai cherda o charo o Roboam si pisime ando lil katar o profeta o Semaias, ando lil katar o profeta o Iddo, ta ando lil katar e familia. Ta saia maripe maskar o Roboam ta o Jeroboam sa e llivesa.
16Kana mulo o Roboam, prajosarde le ando foro katar o David. Mapalal charoisarda pe leko than o Abias, leko chavo.
Currently Selected:
2 Kronikas 12: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
