2 Kronikas 11
11
1Ta kana o Roboam avilo ando Jerusalem chidia stotina ta ojtovardes milie boñikonen katar e vicha e Judaeki ta katar e vicha e Benjamineki te marenpe e Israelea, ta te len pale e charoina. 2A o Del dia orba e Semaiasea, iek lleno e Devleko, ta phenda leke gia:
3De orba e Roboameke chavo e Salomoneko charo e Judaeko, ta sa e llenenge katar o Israel kai si ando Juda ta e llenenge katar o Benjamin, ta phen lenge gia:
4O Del phenel gia:
Te na llan te maren tumen tumare phlalenchar. Irin tumen chere, soke me cherdem gava. A von kandie e Devle, ta ni llele te marenpe e Jeroboamea.
O barvalipe katar o Roboam
5O Roboam thodape te zivil ando Jerusalem, ta vazdia forura zidome ando Juda. 6Vazdia o Belen, o Etam, o Tekoa, 7o Bet Sur, o Soko, o Adulam, 8o Gat, o Maresa, o Zif, 9o Adoraim, o Lakis, o Azeka, 10o Sora, o Aialon ta o Jebron, kai sea forura zidome katar o Juda ta o Benjamin. 11Zuriarda e forura zidome ta thoda ande lende llenen kai gazdarina pe boñikura, lliu, zeitino ta mol, 12ta ande sa e forura thoda eskudura ta jarnie. Zuriarda len but, ta e forura katar o Juda ta o Benjamin sea tala leko va.
13E popura ta e levitura katar sa o Israel avile katar suako rig kai zivina te chidiniaon lea. 14E levitura mukle pe umalia kai jana char lenge bakre, ta sa pe ezgode ta avena ando Juda ta ando Jerusalem, soke o Jeroboam ta leke chave ni mukle len te radin e Devleke. 15O Jeroboam thodaia popura te radin pe thana vazdine, e llavolonenge ta e telchonenge kai cherdaia vou.#1 R 12.31. 16Ta avile llene katar sa e viche katar o Israel kai thodea ande po lio te roden e Gazda, o Del katar o Israel, ta avile ando Jerusalem te den kurbanura e Gazda, o Del katar lenge purane. 17Gia zuriarde e charoina katar o Juda, ta pomozisarde trin burs e Roboame, chavo katar o Salomon. Ta samo ande trin burs cherde prema o David ta o Salomon.
18O Roboam zinisailo e Majalataia, chei katar o Jerimot, chavo katar o David ta e Abijail, kai saia e chei katar o Eliab ta unuka katar o Isai. 19E chave katar o Roboam ta e Majalat sea o Jeus, o Semarias ta o Zaam. 20Mapalal zinisailo e Maakaia chei katar o Absalon, ta e chave kai avila le laia sea o Abias, o Atai, o Ziza ta o Selomit. 21E Roboame sea desojto rromia ta sovardes konkubine, a volila mai but e Maaka, chei katar o Absalon. Sea le bis ta ojto chaurre ta sovardes chorra.
22O Roboam thoda e Abiase, chavo katar e Maaka, te avel sudo ta gazda katar leke phlal, soke mangela te thovel le charo. 23Ta cherda le bizaimaia, soke rispisarda sa pe chaven ande sa e phuv katar o Juda ta o Benjamin ta ande forura zidome. Pravarda len ta dia len but diskinie.
Currently Selected:
2 Kronikas 11: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
