2 Kronikas 10
10
O fuladipe katar e charoina
1 R 12.1-24
1O Roboam llelo ando Sikem, soke sa o Israel avilo ando Sikem te thoven le te charoil. 2Ta llangla le o Jeroboam chavo katar o Nabat, kai saia ando Ejipto sar kana naslo katar o charo o Salomon, ta irisailo katar o Ejipto. 3Ta kana bichalde llenen te ikharen e Jeroboame, sa o Israel llelo te del orba e Roboamea, ta phende leke:
4Cho dad saia but zuralo amenchar. Akana cher te avel mai lokho o pharipe kai thoda pe amende cho dad, ta amen ka radi chuke.
5O Roboam phenda lenge:
Llantar, ta irin tumen katar trin llive ios. Ta sa lleletar, 6Ondaka o charo o Roboam puchla e puranen kai radisarde leke dadea e Salomonea kana saia llundo, ta phenda lenge:
¿So phenen tumen kai morabi te phenav gale foroke?
7A e purane phende leke:
Te avilan lacho lenchar ta de lache orbe lenge, von ka radin chuke suako drom.
8A o Roboam ni asunda len, vou puchla e chaurren kai barile lea ta kai radina leke. 9Ta puchla len:
¿So phenen tumen te phenav e foroke, kai mangle mandar te lav lendar o pharipe kai thoda pe lende mo dad?
10Ta e chaurre kai barile lea, phende leke:
Gale foroke kai mangle tutar te le o pharipe kai thoda pe lende cho dad, tu morabi te phene lenge gia:
Te saia mo dad zuralo tumenchar, me ka avav mai but neko vou. Mo nai mai minono si mai thulo neko me dadeko maskar. 11A mo dad te thoda pe tumende iek baro pharipe, me ka thovav ios pe so si thodo. Mo dad chalada tumen e bichoia, me ka chalavav tumen e bichoia kai si le sastri.
12Pala o trito llive o Jeroboam ta sa o foro, avile kai o Roboam, isto gia sar phendaia le lenge o charo:
Llantar, ta irin tumen katar trin llive ios. 13Ta o charo Roboam dia pe lende zurale, ta ni cherda so phende leke e purane. 14Ta dia orba e foroia sar phendea leke e chaurre:
Mo dad thoda pe tumende iek baro pharipe, a me ka thovav ios pe so si thodo. Mo dad chalada tumen e bichoia a me ka chalavav tumen e bichoia kai si le sastri. 15Ta o charo ni asunda e foro, soke gua saia e Devletar te sai cherdol o alav e Devleko kai cherda te phenel o Ajias silonita e Jeroboameke, chavo e Nabateko.#1 R 11.29-39. 16Kana sa o foro dikhla kai o charo ni asunda len, phende leke gia:#2 S 20.1.
¡Inai amen niso e Davidea!
¡Ni ka la niso katar o chavo e Isaieko!
¡Israel, llantar kai tumare chare!
¡Te arakhel o David pe familia!
Gia sa o foro llelotar kai pe chare.
17A o Roboam charoisarda pe israelitura kai zivina ande forura katar o Juda. 18Ondaka o charo o Roboam bichalda e Adorame te lel e love kai pochindol e phuviake, ta sa e israelitura chalade le e barrenchar, ta mulo. Ondaka o charo o Roboam sigarda ta lia iek bordon, ta naslo ando Jerusalem. 19Gia si sar fuladilo o Israel katar e vicha e Davideki llik allive.
Currently Selected:
2 Kronikas 10: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
