1 Samuel 7
7
1Ta e llene katar o Kiriat Jearim inllarde e arka e Devleki ta thode la ande iek cher kai achela pe iek burdo. Gua cher saia katar o Abinadab, ta santifikisarde e Eleazare chavo katar o Abinadab te arakhel e arka e Devleki.#2 S 6.2-4; 1 Kr 13.5-7.
O Samuel gazdaril ando Israel
2Sar kana thode e arka e Devleki ando Kiriat Jearim nakhle bis burs. Sa o Israel irisaile kai o Del. 3O Samuel dia gaia orba e israelitonenge: Te si kai de istina irin tumen kai o Del sa tumare liea, chuden tumendar avere delen ta e Astarote. Ta lacharen tumare lie te sai radin samo e Devleke ta o Del ka braduil tumen katar e filisteura.
4Ondaka e israelitura chudie gole delen kai ikhardona Baal ta Astarot, ta blagosisarde samo e Devle. 5Ta o Samuel phenda:
Chiden sa e foro katar o Israel ande Mizpa, ta me ka moliv man e Devleke pala tumende.
6A e israelitura chidinaile ande Mizpa, ikande pai ta chudie le angla o Del. Gua llive cherde alluno, ta phende:
Amen cherdam o bilachipe e Devleke.
Ta o Samuel cherdilo gazda katar o Israel ande Mizpa. 7Kana e filisteura asunde kai e israelitura sea chidine ande Mizpa, e gazda katar e filisteura likiste te marenpe e israelitonenchar. Ta kana e israelitura asunde kai e filisteura avena te marenpe lenchar, but daraile. 8Ondaka e llene katar o Israel phende e Samueleke:
Na muk te mange e Devletar pala amende, te sai arakhel amen.
9O Samuel lia iek telcho ta dia le kurbano e Devleke. Mapalal molisailo e Devleke pala o Israel, ta o Del asunda le. 10Ta kana o Samuel dela o kurbano e Devleke, avile e filisteura. Ondaka o Del cherda te asundol iek baro germipe ta e filisteura daraile but, ta gia e israelitura dobisarde len. 11E israelitura likiste te marenpe e filisteonenchar, ta marde len llik kai o foro kai ikhardol Betkar, ta ios mai dur. 12Ondaka o Samuel lia iek barr ta thoda le maskar e Mizpa ta o Sen, ta thoda leko anav Eben Ezer, soke phenda:
Llik kate o Del pomozisarda amen.
13Ta gia e israelitura dobisarde e filisteonen, ta ni die ios ande phuv katar o Israel. Ondaka o Del patisarda e filisteonen sa e llivesa e Samueleke. 14Ta e filisteura irisarde e israelitonenge e forura kai lie lendar. Katar o foro Ekron llik o foro Gat. Ta e llene katar o Israel chudie e filisteonen katar e phuv. Ta saia pas maskar e israelitura ta e amorreura. 15O Samuel saia gazda ando Israel sa po zivoto. 16Suako burs llala ando Betel, ando Gilgal ta ande Mizpa. Kote vou chinela krisa e foroke. 17Mapalal irilape ande Rama soke kote saia leko cher ta gazdarila e Israele. Kote vou cherda iek altar e Devleke.
Currently Selected:
1 Samuel 7: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
