1 Samuel 8
8
E llene katar o Israel mangen iek charo
1Kana o Samuel saia phuro thoda pe chaven te aven gazda po Israel. 2O anav katar leko chavo mai purano saia Joel, a o anav katar o duito saia Abias. Von gazdarina ando Berseba. 3A e chave e Samueleke ni sea sargo lengo dad soke von cherdile jamiale ta bichindile pala e love, ta i phagle so si orta. 4Ondaka chidinaile e phure mai preche ta llele ande Rama te dikhen e Samuele, 5ta phende e Samueleke:
Tu phurilan ta che chaurre ni llan sargo tu po lacho drom, goleke thov iek charo pe amende, gia sar cheren le ande sa e phuvia.#Dt 17.14.
6A e Samueleke ni pela drago kai mangena iek charo, goleke molisailo e Devleke 7ta o Del phenda e Samueleke:
Asun sa so ka phenen chuke, soke tut ni muken, man muken te na charoiv pe lende. 8Sar kana ikandem len katar o Ejipto llik akana, cheren isto gua so cheren tuia, mukle man te sai blagosin avere delen. 9Goleke, asun so phenen chuke ta phen lenge sar ka charoil pe lende o charo kai mangen.
10Ondaka o Samuel phenda o alav e Devleko e foroke kai mangela iek charo. 11Ta phenda lenge:
Gia ka cherel tumenge o charo kai ka charoil pe tumende. Ka lel tumendar tumare chave ta ka thovel len te arakhen leko bordon barimako. Ka thoven len te aven leke boñikura kai llan pe gra, ta i te arakhen le. 12Nesaven ka thovel kapitanura po milia ta po pinda boñikonen. Ka thovel len te radin e phuv, te chiden septelie, ta te cheren jarnie te sai marenpe. Ta ka thovel len te lacharen leko bordon barimako. 13Ka thovel tumare chorren te cheren merisura, te chiraven ta te cheren marrno. 14Ka lel tumare mai lache phuvia, tumare mai lache vostanura drakhake ta i maslinkake, ta ka del len pe slugenge. 15Ka lel o diesmo katar tumare septelie ta i katar e vostanura drakhake, te de len pe kapitanonenge ta pe slugenge. 16Ka lel tumare sluge, tumare mai lache chaurre, ta i tumare guruva te sai cherel po rado. 17Ka lel o diesmo katar tumare stoke, ta tumen ka aven leke sluge. 18Ondaka tumen ka urkin e Devleke pala o charo kai manglen, a o Del ni ka asunel tumen.
19A e llene ni mangle te asunel so phenela lenge o Samuel, ta phende leke:
Ni chitilpe amenge, amen manga iek charo, 20soke amen manga te ava sargo ogola phuvia kai si len charo. Amaro charo ka gazdaril pe amende, ta ka llal anglal amende po maripe.
21Ta o Samuel asunda sa so phenda o foro, ta phenda le e Devleke. 22Ta o Del phenda e Samueleke:
Cher so von mangen ta thov pe lende iek charo. Ondaka o Samuel phenda saurrenge te irinpe kai pe forura.
Currently Selected:
1 Samuel 8: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
