1 Samuel 31
31
O Saul ta leke chaurre meren po maripe
1 Kr 10.1-12
1E filisteura mardepe e israelitonenchar ta e israelitura nasle, soke but llene lendar mule po burdo katar o Gilboa. 2Ta e filisteura rodie e Saule ta leke chaven, ta mundarde e Jonatane, e Abinadabe ta e Malkisue, chave e Sauleke. 3Ta o maripe cherdilo but zuralo po Saul. Ta e boñikura kai chudena llide malade le, ta o Saul darailo but lendar. 4Ta o Saul phenda pe slugake kai inllarela e ezgode marimake:
Ikan cho jarni ta mundar man, te na aven gala kai inai sirkunsidime te phanden man. A o sluga ni kamela mundarel le, soke darala but. Ondaka o Saul lia o jarni ta chudiape pe lete.
5Ta kana o sluga dikhla kai o Saul mulo, i vou chudiape pe po jarni ta mulo. 6Gia si sar mulo o Saul gua llive, leke trin chave, leko sluga, ta sa leke boñikura. 7Ta e llene katar Israel kai sea po ogoia rig katar e bari umal ta katar ogoia rig katar o Jordan, kana dikhle kai e boñikura katar Israel nasle, ta kai muloa o Saul ta leke chave, mukle e forura chudine ta nasle. Ta avile e filisteura ta thodepe te zivin ande gola forura.
8Thiarinako kana avile e filisteura te len ezgode katar e mule, malade e Saule ta leke chaven inzarde po burdo Gilboa. 9Ta chinde leko soro, lie leke ezgode marimake, ta bichalde llenen pe sa e phuv katar e filisteura te sai phenen e viasta ando cher katar lenge dela ta e foroke. 10Thode leke ezgode marimake ando cher katar lengo del e Astarot, ta umblade leki esnaga po zido katar o Bet San.
11Kana e llene katar o Jabes ando Galaad asunde so cherde e filisteura e Sauleke, 12e murusa mai tromane llele sorro riat llik kai o Bet San, ta lie katar o zido e esnage katar o Saul ta katar leke chave ta phabarde len kote. 13Ta prajosarde lenge kokala telal tala iek kas ando Jabes, ta cherde alluno efta llive.
Currently Selected:
1 Samuel 31: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
