1 Samuel 3
3
O Del ikharel e Samuele
1Kana o Samuel saia terno radila e Devleke angla o Eli. Ande gua vreme ni asundola but o alav e Devleko, samo nesave droma e llene dikhena so saia te avelpe. 2Iek llive o Eli saia inzardo ande pi soba, soke suako llive sa mai but korraola, 3ta mai anglal te avel mundardi e lampara e Devleki, o Samuel sovela ando cher e Devleko po than kai saia thodi e arka e Devleki. 4Ondaka o Del ikharda e Samuele, ta o Samuel phenda:
¡Kate sem!
5Ta o Samuel prastia kai o Eli, ta phenda leke:
Kate sem, ¿soke ikhare man?
A o Eli phenda leke:
Me ni ikhardem tut. Lla ta per chuke pale.
Ta o Samuel llelo pale te sovel. 6A o Del pale ikharda le:
¡Samuel!
Ta o Samuel ustilo ta llelo kai o Eli, ta phenda leke:
Kate sem, ¿soke ikhare man?
A o Eli phenda leke:
Chaurrea, me ni ikhardem tut. Lla, per chuke pale.
7O Samuel ni pinllarela e Devle soke o alav e Devleko ni sikadiloa leke. 8Ta o Del pale o trito drom ikharda e Samuele, a o Samuel llelo kai o Eli ta phenda leke:
Kate sem, ¿soke ikhare man?
Ondaka o Eli acharda kai o Del saia gua kai ikharela e Samuele, 9ta phenda leke:
Lla per chuke. Te si gia kai o Del ikharel tut, phen leke:
De orba Devla, cho sluga asunel tut.
Ondaka o Samuel llelo te perel peke ande pi soba. 10Ta o Del avilo lete, ta ikharda le sargo ogola droma:
¡Samuel! ¡Samuel!
Ta o Samuel phenda e Devleke:
De orba Devla, cho sluga asunel tut.
11Ta o Del phenda leke:
Me ka cherav iek ezgoda ando Israel kai kana ka llanen le ka meren daratar, 12soke me ka cherav sa so phendem pe familia katar o Eli. 13Ka sikavav e Elieke kai ka krisiv leke familia ostade pala o bilachipe kai vou llanel. Soke leke chave kusen man ta vou niso ni phenel lenge. 14Goleke me jalem sovel kai nikada ni ka prostiv o bilachipe kai cherda e familia e Elieki, i te dena kurbanura o te dena ofrende.
15O Samuel achilo ande pi soba llik kai e thiarin, ta putarda e udara katar o cher e Devleko. Ta o Samuel darala te phenel e Elieke so sikadaia leke o Del, 16a o Eli ikharda le, ta phenda leke:
¡Samuel, chaurrea! Ta o Samuel phenda:
Kate sem.
17Ta o Eli puchla le:
¿So phenda chuke o Del? Phen mange sa. ¡Te ave proketo e Devletar te na phendan mange sa!
18Ondaka o Samuel phenda leke sa, ta ni guruda niso katar so llanela, a o Eli phenda:
¡Gua si o Del! ¡Te cherdol leki volia!
19O Samuel barilo ta o Del arakhela le ta pomozila le ande sa so cherela. 20Sa o Israel, katar o Dan llik kai o Berseba, llangla kai o Samuel saia profeta chachuno e Devleko. 21Ta o Del pale sikadilo ando Silo, soke kote o Del dela e Samueleke pi orba.
Currently Selected:
1 Samuel 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
