1 Samuel 2
2
E llili katar e Ana
1Ta e Ana molisaili gia:
Gazda, mo lio si veselo ande tute,
soke tu de man zor.
Me sai phandav o mui me dusmanonengo.
Sem but veseli
soke tu braduisarda man.
2¡Niko inai santo sargo tu Devla!#Sal 113.5-9; Lk 1.46-55.
¡Niko ni arakhel amen sargo tu!
¡Niko inai sargo tu!
3Te na falilpe niko,
soke o Del sa llanel,
vou dikhel sa so cherel o manus,
vou krisil e manuse.
4Vou phagel o arko katar e zurale,
ta del zor golen kai inai zurale.
5Gola kai sea chalie,
akana radin pala kotor marrno.
Ta gola kai sea bokhale,
akana si chalie.
Ta e diskinie kai nasti avela len minone,
akana efta droma maladol lenge,
a goia kai sea la but chaurre,
akana nasti aven la minone.
6O Del del amen o meripe ta o zivoto.
Cherel amen te fulia ando limori
ta braduil amen letar.
7O Del cherel amen barvale ta chorre.
Mukel amen ando lallao ta bariarel amen.
8O Del cherel te ustel o chorro,
ta ikanel katar o llubri
golen kai mangen esmola,
ta thovel len maskar e bare
te besen pe mai lache estoliche.
Soke e Devleke si e direkura e phuviake,
pe lende thoda e sueto.
9Vou arakhel o phiripe katar e lache.
A e bilache meren ando truniariko,
soke lengi zor niso ni blazil lenge.
10O Del ka zatril pe dusmanonen.
Katar o miloso ka bichalel pe lende germipe.
O Del ka krisil sa e sueto.
Ka del zor pe charo,
ta ka bariarel e zor goleki kai vou esvirisarda.
11Mapalal o Elkana irisailo kai po cher ando Rama, ta o Samuel achilo te radil e Devleke angla o popo o Eli.
O bilachipe katar e chaurre e Elieke
12E chaurre e Elieke sea bilache ta ni pinllarena e Devle, 13ta ni chitilape lenge o rado e poponengo kai saia te cheren e foroke. Soke kana fiko cherela iek kurbano e Devleke, avela iek sluga katar o popo iekhe bare veliuskaia kana o mas chirola, 14thovela e veliuska andre ande kavi ta ande chiai, ta sa sogo ikanela saia e popoke. Gia cherena suakone llenea katar e israelitura kai avena ando Silo. 15Ta i kana saia te phabaren e khoi po altar, avela o sluga e popoko ta phenela e lleneke kai anela o kurbano:
De man katar o mas te chiravav le e popoke, soke vou ni ka lel o mas peko. 16Ta te phenela o lleno kai oma saia te phabaren e khoi ta mapalal te lel sogo kamela, o sluga phenela leke:
¡Iok, tu morabi te dele mande isto akana! O me pe zor ka lav le tutar. 17Gia o bilachipe katar gala chave saia but baro, soke ni thovena sama katar e kurbanura kai sea e Devleke.
18Ta o Samuel kai saia terno, saia furiado ande iek efod cherdo katar o lino, ta radila e Devleke. 19Suako burs kana leki dei llala pe rromea te del kurbano e Devleke, anela leke iek gertachi kai isto voi cherdaia le. 20Ta o Eli molisailo pala o Elkana ta pala leki rromi, ta phenda leke:
O Del te del tut chaurre katar gaia diskinia pala o gua minono kai voi dia e Devle. Mapalal irisaile kai po cher. 21Ta o Del blagosisarda e Ana ta dia la trin chaurre ta dui chorra, ta o Samuel bariola angla o Del.
22O Eli saia but phuro ta llanela sa so cherena ando Israel leke chaurre, ta i llanela kai von sovena e diskinienchar kai arakhena o than kai delpe ande chara e Devleki. 23Ta vou phenda lenge:
¿Soke tumen cheren gia? Sa o foro phenda mange so cheren tumen. 24Chavalen, inai sukar so phenel tumendar o foro e Devleko, soke cheren e foro te cherel o bilachipe. 25Te si iek lleno kai cherel o bilachipe avereke, e krisaria sai lacharen leki dos. A te si fiko kai joliavel e Devle, ¿ko ka lacharel leki dos? A von ni thode sama so phenda lengo dad, soke o Del mangla te mundarel len.
26A o chavo o Samuel bariola ta saia orta e Devlea ta i e llenenchar.
27Iek profeta avilo te dikhel e Elie ta phenda leke:
O Del phenda gia: ¿Ni sikadilem che dadenge kana von sea ando Ejipto ta radina e Faraonoke? 28Ta maskar sa e viche katar o Israel esvirisardem tumare vicha te aven me popura, te sai den kurbanura pe mo altar, te phabaren o taimano, te inllaren o efod angla ma. Ta i diem tumare vicha sa e ezgode kai e israelitura dena man.#Ek 28.1-4; Lv 7.35-36. 29¿Soke tumen ustaven me kurbanura ta me ezgode dine kai me phendem te den len ande e chara e Devleki? ¿Soke de liubao mai but che chaurren neko man? Tu chere te aven che chaurre thule katar e mai sukar ezgode dine kai del mo foro o Israel. 30Goleke o Del katar o Israel kai phenda kai tu ta chi familia ka llan angla ma ostade, akana phenel gia:
Nikada ni ka cherav so phendem chuke, soke me ka dav liubao golen kai ka den man liubao, a gola llene kai ni ka den man liubao, me ka cherav te achen ando lallao. Me o Del, phenav le. 31Akana avel o vreme kana ka lav tutar chi zor ta e zor katar chi familia, ta niko lendar ni ka resel te avel phuro. 32Ka dikhe sar chi familia ka achel ando lallao, a me ka pherav barvalipe e Israele. Nikada ni ka aven phure ande chi familia. 33A ka mukav nesaven lendar pasa mo altar, samo te patin tut ta te dukhaven tut. Sa gola kai ka biandon ande chi familia ka meren terne.#1 S 22.6-23. 34Ta galea ka llane kai sa so phendem chuke ka avel pe tu:
Che dui chave, o Ofni ta o Finees, isto ande gua llive e dui ka meren. 35Mapalal ka thovav iek popo chachuno ta orta kai ka radil mange chachimaia. Me ka dav le iek familia zurali, ta ka llal angla o charo kai me ka esviriv. 36Ta o lleno katar chi familia kai ka achel llundo, ka mangel letar gachinoni tolaria ta kotor marrno, ta ka molilpe leke te del le rado maskar e popura te avel le so te jal.
Currently Selected:
1 Samuel 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
