1 Samuel 21
21
O David nasel katar o Saul
1Ta o David avilo ando Nob kai o popo Ajimelek. Ta o Ajimelek chudisailo kana dikhla e Davide, ta puchla le:
¿Soke ave korkorre ta niko ni avilo tuia?
2O David phenda leke:
O charo bichalda man te cherav iek ezgoda, ta vou phenda mange te na llanel niko pala so bichalda man vou. Goleke inai kate e chave kai aven manchar, ka maladivav lenchar pe aver rig. 3Akana phen mange, ¿si tut varesavo jape? De man panch marrne, o so avela tut.
4Ta o popo phenda e Davideke:
O marrno kai si man, si o marrno chinado e Devleke. Me ka dav le tumenge te si kai gola chave kai aven tuia ni amisaile e diskinienchar.
5Ta o David phenda e popoke:
O chachipe si kai cheren trin llive kai amen sam dur katar amare diskinie. Kana likistem po drom, e chave sea chiste, makar o drom inai Devlikano.
6Ta gia o popo dia len o marrno chinado e Devleke soke kote ni saia ios marrno, samo gua kai saia chinado e Devleke, kai gua llive liea le katar o altar te sai thoven o marrno nevo ta tato.#Lv 24.5-9; Mt 12.3-4; Mk 2.25-26; Lk 6.3. 7Ta saia kote iek sluga katar o Saul kai aviloa ando cher e Devleko. Vou ikhardola Doeg katar o Edom, ta saia o chobano mai zuralo katar o Saul.
8Ta o David phenda e Ajimeleke:
¿Inai tut iek lansa o iek jarni? Soke gia sigarava te llav kote kai bichalda man o charo, kai ni reslem te lav mo jarni ta me ezgode marimake.
9Ta o popo phenda leke:#1 S 17.51.
Ea, si man o jarni katar o Goliat, o filisteo kai tu dobisardam pe bari umal katar o Ela. Etali palal katar o efod ulime ande iek chiti. Te mangea sai inllarela, inai man ios ezgode marimake.
O David phenda leke:
Ni iek aver jarni avela mai sukar. De le mande.
10Ta gua llive o David naslo katar o Saul ta llelo kai o Akis, o charo katar o Gat. 11Ta e sluge katar o Akis phende leke:
¿Inai gava o David o charo katar e phuv? ¿Inai gava kai kana chelena ta llilabena leke phenena: O Saul mundarda milia murusen, a o David mundarda des milie murusen?#1 S 18.7; 29.5.
12Ta o David thoda sama gale alavenge ta darailo katar o Akis, o charo katar o Gat.#Sal 56. 13Goleke o David cherelape angla lende sargo dilo, ta pisila pe udara ezgode dile, ta mukela te perel leko chungar pe leke chor.#Sal 34. 14Ondaka o Akis phenda pe slugenge:
¿Dikhen? gava lleno si dilo, ¿soke ande le mande? 15¿So mislin tumen, kai trubul man llene dile te anen gale kai mo cher?
Currently Selected:
1 Samuel 21: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
