1 Kronikas 27
27
E charoina katar o David
1Gala si e llene mai preche ando Israel, e gazda katar e familie, e gazda katar e milie ta katar e stotine boñikura. Ta e bis ta star milie llene kai radina e charoke suako chon. Kana gala llene gotovina po rado aver star milie llene avena te radin.
2Ando purvo chon saia o Jasobeam chavo katar o Zabdiel, vou gazdarila pe bis ta star milie llene. 3Katar e chave katar o Fares, vou gazdarila pe sa e kapitanura katar e boñikura ando purvo chon.
4Pe boñikura katar o duito chon gazdarila o Dodai ajojita. Ta o Miklot saia o gazda pe pire boñikura kai sea bis ta star milie.
5Pe boñikura katar o trito chon gazdarila o Benaias, chavo katar o baro popo o Joiada. Ta leke boñikura sea bis ta star milie. 6O Benaias saia katar e tranda tromane ta lengo gazda. A leko chavo o Amisabad inllarela leke boñikonen.
7Pe boñikura katar o starto chon gazdarila o Asael, phlal katar o Joab. Mapalal letar saia leko chavo o Zebadias. Ta leke boñikura sea bis ta star milie.
8Pe boñikura katar o panchto chon gazdarila o Samjut izraita. Ta leke boñikura sea bis ta star milie.
9Pe boñikura katar o sovto chon gazdarila o Ira chavo katar o Ikes, kai gazdarila katar o foro o Tekoa. Ta leke boñikura sea bis ta star milie.
10Pe boñikura katar o eftato chon gazdarila o Jeles o pelonita, kai saia katar o porodo e Efraineko. Ta leke boñikura sea bis ta star milie.
11Pe boñikura katar o ojtoto chon gazdarila o Sibekai o jusatita, kai saia katar o porodo e Zeraieko. Ta leke boñikura sea bis ta star milie.
12Pe boñikura katar o iniato chon gazdarila o Ebiezer o anatotita, kai saia katar o porodo e Benjamineko. Ta leke boñikura sea bis ta star milie.
13Pe boñikura katar o desto chon gazdarila o Maarai netofatita katar e chave e Zeraieke. Ta leke boñikura sea bis ta star milie.
14Pe boñikura katar o desuiekto chon o gazda saia o Benaias piratonita, katar e chave e Efraineke. Ta leke boñikura sea bis ta star milie.
15Pe boñikura katar o desuduito chon o gazda saia o Jeldai netotafita katar e chave e Otonieleke. Ta leke boñikura sea bis ta star milie.
16E gazda katar e viche e Israeleke sea, o Eliezer chavo katar o Zikri, katar e vicha e Rubeneki. O Sefatias chavo katar o Maaka katar e vicha e Simeoneki. 17Katar e vicha e Levieki, o Jasabias chavo katar o Kemuel. Katar o porodo e Aaroneko o Sadok. 18Katar e vicha e Judaeki, o Eliu, iek phlal e Davideko. Katar e vicha e Isakareki, o Omri chavo katar o Mikael. 19Katar e vicha e Zabulonoki, o Ismaias chavo katar o Abdias. Katar e vicha e Neftalieki o Jerimot chavo katar o Azriel. 20Katar e vicha e Efraineki o Oseas chavo katar o Azazias. Katar o dopas vicha e Manaseseki o Joel chavo katar o Pedaias. 21Katar ogoia dopas vicha e Manaseseki kai saia ando Galaad o Ido chavo katar o Zakarias. Katar e vicha e Benjamineki o Jaasiel chavo katar o Abner. 22Katar e vicha e Daneki o Azareel chavo katar o Jeroam. Sa gala sea e gazda katar e viche e Israeleke.
23O David ni llinda e llenen kai sea lenge mai tele katar e bis burs, soke o Del phendaia kai ka cherel te aven e chave e Israeleke gachin, sargo e cheraia ando miloso.#Jen 15.5; 22.17; 26.4. 24O Joab chavo katar o Sarvia thodape te llinel ta ni getosarda, goleke avili e duk po foro o Israel. Goleke gachin llene, ni likel ando lil katar e ezgode kai cherda o David.#2 S 24.1-15.
25O Azmavet chavo katar o Adiel arakhela o barvalipe e charoko. O Jonatan chavo katar o Ozias arakhela o barvalipe katar e vostanura, e forura, e forichura ta e thana kai resela e phuv.
26Katar e llene kai radina e phuv saia o Ezri chavo katar o Kelub. 27E umalia e drakhenge arakhela len o Simei ramatita. O Zabdi sifmita arakhela e sobe kai guruvena e mol. 28E umalia maslinkenge ta e kasta simochinenge kai sea ando Sefela arakhela len o Baal Janan gederita. E thana kai guruvena e zeitinura arakhela len o Joas. 29E guruva kai jana char ando Saron arakhela len o Sitrai saronita. E guruva kai sea ande e bare umalia arakhela len o Safat chavo katar o Adlai. 30E deve arakhela len o Obil ismaelita. E magarche arakhela len o Jejedias meronotita. 31E bakre arakhela len o Jaziz agareno. Sa gala llene arakhena e ezgode katar o charo o David.
32O Jonatan kai saia o kako e Davideko pomozila soke saia pismiri ta saia but bizai. O Jejiel chavo katar o Jakmoni arakhela e chaven e charoke. 33Ta i o Ajitofel pomozila e charo, ta o Jusai arkita saia amal katar o charo. 34Mapalal katar o Ajitofel, o Joiada chavo katar o Benaias ta o Abiatar pomozisarde e charo. A o Joab saia o gazda katar e boñikura.
Currently Selected:
1 Kronikas 27: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
