1 Kronikas 26
26
E llene kai arakhena e udara ta e llene kai radina
1Ta fulade e llenen kai arakhena e udara, ta achile gia:
Katar e koreitura, o Meselemias chavo katar o Kore katar o porodo e Asafeko. 2Katar e chave e Meselemiaseke, o Zakarias kai saia o mai purano, mapalal o Jediael, o trito o Zebadias, o starto o Jatniel, 3o panchto o Elam, o sovto Jojanan, o eftato o Elioenai.
4Katar e chave e Obed Edomeke sea o Semaias kai saia o mai purano, mapalal o Jozabad, o trito o Joaj, o starto o Sakar, o panchto o Natanael, 5o sovto o Amiel, o eftato o Isakar, o ojtoto o Peultai. Soke o Del blagosisarda e Obed Edome.#2 S 6.11; 1 Kr 13.14.
6O Semaias chavo katar o Obed Edom sea le chave kai gazdarina ande lenge familie, soke sea murusa but tromane. 7E chave katar o Semaias sea o Otni, o Rafael, o Obed, o Elzabad, ta leke phlal kai sea tromane o Eliu ta o Samakias. 8Sa gala llene sea katar o porodo e Obed Edomeko. Leke chave ta leke phlal sea murusa but zurale ta radina sukar. Kana llinde len sea sovardes ta dui.
9E chave ta e phlal katar o Meselemias sea desojto, sa murusa tromane.
10Katar o Josa katar e chave e Merarieke, o Simri kai saia o gazda, makar vou ni saia o chavo mai purano, leko dad ikharda le te avel gazda. 11Mapalal o Jilkias, o trito o Tebalias, o starto o Zakarias. Kana llinde e chaven ta e phlalen katar o Josa sea desutrin.
12Gava si o vreme katar suako lleno kai arakhela e udara. Von radina ando cher e Devleko isto gia sar radina lenge gazda ta lenge phlal. 13Ta cheldepe te sai llanen e udara katar suako familia, katar e mai purane llik e mai terne.
14E Selemiaseke likisto o udar kai si pe rig kai likel o kham. Leke chaveke e Zakariaseke kai sikavela bizaimaia, likisto o udar kai si pe rig norte. 15E Obed Edomeke likisto o udar kai si pe rig sur, ta leke chavenge likisto te arakhen e sobe kote kai guruvena ezgode katar o cher e Devleko. 16E Supimeke ta e Josaeke likisto o udar kai si pe rig kai perel o kham ta kai ikharen le o udar katar o Saleket po drom kai llal upre. Ta gia saia sar radina:
17Pe rig kai likel o kham sov levitura, star pe rig norte ollivesea, star pe rig sur po dui te arakhen e sobe kote kai guruvena ezgode. 18Ande soba katar e ezgode pe rig kai likel o kham, sea star kai arakhena po drom ta dui ande soba. 19Ta gia si sar radina e chave katar e koreitura ta e chave katar o Merari kai arakhena e udara.
20Katar e levitura o Ajias arakhela o barvalipe katar o cher e Devleko ta o barvalipe katar e ezgode chinade e Devleke. 21Katar e chave e Laadaneke kai sea katar o porodo e Gersoneko ta o Jejielieko. 22E chave katar o Jejiel, o Zetam ta o Joel arakhena o barvalipe katar o cher e Devleko.
23Katar e chave katar e amramitura, e isaritura, e jebronitura ta e uzielitura, 24o Sebuel chavo katar o Gerson chavo katar o Moises saia o gazda po barvalipe.
25E chave katar leko phlal o Eliezer sea o Rejabias, o Isaias chavo katar o Rejabias, o Joram chavo katar o Isaias, o Zikri chavo katar o Joram ta o Selomit chavo katar o Zikri.
26O Selomit ta leke phlal arakhena sa o barvalipe katar e ezgode chinade e Devleke kai chinadaia o charo o David, e gazda katar e familie, e gazda katar e milie ta katar stotine llene ta e mai preche gazda katar e boñikura. 27Gala ezgode liea len kana marenape, ta die len te lacharen o cher e Devleko. 28Ta i kote sea e ezgode dine kai diea o Samuel kai apogodila, o Saul chavo katar o Kis, o Abner chavo katar o Ner ta o Joab chavo katar o Seruia. Ta sa so chinavena aver llene, arakhena len o Selomit ta leke phlal.
29Katar e chave katar o Isar, o Kenanias ta leke chave sea gazda ta krisaria ta dikhena e ezgode katar o Israel avere phuvienchar.
30Katar e chave katar o Jebron, o Jasabias ta leke phlal kai sea milia ta efta stotine murusa zurale, gazdarina pe ogoia rig katar o Jordan, pe rig kai perel o kham. Von gazdarina ande sa e ezgode Devlikane ta radina e charoke.
31Kana nakhle saranda burs katar e charoina e Davideki, dikhle ande lila katar e familie katar o Jebron ta dikhle kai sea len murusa but tromane ando Jazer katar o Galaad. O gazda katar e chave katar o Jebron saia o Jerias. 32Lenge phlal sea murusa tromane, kana llinde len sea dui milie ta efta stotine gazda katar e familie. O David thoda len te gazdarin pe sa e ezgode e Devleke ta e charoke ande viche katar o Ruben ta o Gad, ta ando dopas vicha katar o Manases.
Currently Selected:
1 Kronikas 26: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
