1 Kronikas 20
20
O David lel e foro katar o Raba
2 S 12.26-31
1Kana nakhla burs llive ando vreme kana e charura llan po maripe, o Joab lacharda boñikonen te marenpe ta zatrisarda e phuv katar e amonitura, ta thoda boñikonen trullal katar o foro o Raba. Ta o David achilo ando Jerusalem.#2 S 11.1. 2Ta o David lia e korona katar o soro e charoko kai phariavela tranda ta trin kile. Pe late saia iek barr but sukar, ta thode le po soro e Davideko. Ta o David lia but ezgode katar o foro. 3Ta e llenen kai sea ando foro ikanda len kotar ta thoda len te chinen kasta ta te radin e phuv e ezgodenchar sastrune. Isto gia cherda o David sa e foronenge katar e amonitura. Mapalal o David irisailo sa pe foroia ando Jerusalem.
E boñikura katar o David mundaren e llenen kai si but bare
2 S 21.18-20
4Mapalal saia iek maripe e filisteonenchar ando Gezer. Goia drom o Sibekai jusatita mundarda ta thoda ando lallao e Sipaie, iek chavo katar e but bare manusa. 5Ta ande aver maripe e filisteonenchar, o Eljanan chavo katar o Jair mundarda e Lajmie, o phlal katar o Goliat geteo, kai leko jarni saia sargo kas kai ulin pe lete o chiti.#1 S 17.4-7.
6Ando Gat saia aver maripe. Kote saia iek manus but baro kai sea le desudui naia pe leke va, ta desudui naia pe leke porrne, bis ta star sea sa leke naia. I vou saia chavo katar e vicha e bare llenengi. 7Vou ikharda e Israele te marelpe lea, ta mundarda le o Jonatan chavo katar o Sima, phlal e Davideko. 8Gala sea o porodo katar e bare llene ando Gat, ta mundarde len o David ta leke sluge.
Currently Selected:
1 Kronikas 20: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
