1 Kronikas 19
19
O David dobil e sirionen ta e amonitonen
2 S 10.1-19
1Mapalal katar gala ezgode o Najas, charo katar e amonitura mulo ta charoisarda pe leko than leko chavo. 2Ondaka o David phenda:
Ka avav posteno e Janunea chavo e Najaseko isto gia sar leko dad saia posteno manchar. Goleke bichalda llenen te den zor e Janune pala o meripe katar leko dad. A kana e llene avile ande phuv katar e amonitura te den zor e Janune, 3e mai preche gazda katar e amonitura phende e Januneke:
¿Tu pacha kai o David bichalda gale llenen te den tut zor pala o meripe katar cho dad? ¡Vou bichalda len te sai dikhen so si ande phuv!
4Ondaka o Janun phangla e llenen kai bichalda o David, jaliarde len, chinde lenge chor, pharrade lenge patave pe dui kotora llik mai tele katar lengo maskar, ta tradie len kotar. 5Kana phende e Davideke so nakhle, o David bichalda llenen te maladon lenchar soke von lallana but. Ta o charo phenda te achen ando Jeriko llik kana ka barion lenge chor, ta mapalal te aven lete.
6Kana e amonitura acharde kai o David murzila pe lende, o Janun ta e amonitura bichalde ande Mesopotamia, ande Siria, ande Maaka ta ande Soba milia talentura tuchne te sai chinaven bordona marimake ta boñikura kai llan pe gra, 7ta chinade tranda ta dui milie bordona marimake ta e charo katar o Maaka pe boñikonenchar. Sa gala avile ta logle angla o Medeba. Ta i e amonitura likiste katar pe forura te marenpe i von. 8Ta kana o David llangla le, bichalda e Joabe ta sa e boñikonen tromane. 9Ta likiste e amonitura te marenpe ta thodepe po udar katar o foro. E charura kai avilea achile ando vos. 10O Joab kana dikhla kai o maripe saia te avel anglal ta palal lendar, esvirisarda katar e mai tromane boñikura kai sea ando Israel ta lacharda len te marenpe e sirionenchar. 11Ta thoda pe phlale e Abisaie te inllarel ogole boñikonen kai achena le te marenpe e amonitonenchar, 12ta phenda leke:
Te si kai e siriura dobin man, tu ka ave te pomozi man, a te si kai e amonitura dobin tut, me ka llav te pomoziv tut. 13La amenge zor, soke mara amen pala amaro foro, pala e forura katar amaro Del. ¡Te cherdol e volia e Devleki!
14Ondaka o Joab ta o foro kai saia lea llele te marenpe e sirionenchar, a e siriura nasle letar. 15Ta kana e amonitura dikhle kai e siriura nasena, i von nasle katar o Abisai o phlal e Joabeko, ta gurudile ando foro. Ondaka o Joab irisailo ando Jerusalem.
16Ta kana e siriura dikhle kai o Israel dobisarda len, bichalde sudonen te ikharen ogole sirionen kai sea pe ogoia rig katar o Eufrates. Lengo kapitan saia o Sofak kai saia o gazda katar e boñikura katar o Adad Ezer. 17Ta kana phende e Davideke so nakhle, o David chidia sa e llenen katar o Israel, nakhlo o Jordan ta avilo kote kai sea e siriura, ta lacharda pe boñikonen e marimake. Ta e siriura die ande le te marenpe. 18Ta e siriura nasle katar o Israel ta o David mundarda efta milie llenen kai llana pe bordona, ta saranda milie llenen kai llana peske, ta mundarda e Sofake, o glamno boñiko sirio. 19Ta kana dikhle sa e charura kai pomozina e Adad Ezere sar o Israel dobisarda len, lachardile e Davidea ta cherdile leke sluge. Sar kotar e siriura daraile te pomozin e amonitonen.
Currently Selected:
1 Kronikas 19: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
