1 Kronikas 18
18
O David gazdaril pe ios phuvia
2 S 8.1-14
1Mapalal katar gala ezgode o David dobisarda e filisteonen, ta lia lendar o foro Gat ta e forichura kai sea truial. 2Ta i dobisarda e moabitonen, ta e moabitura cherdile sluge e Davideke, ta dena le ezgode.
3Ta i dobisarda e Adade Ezere, o charo katar o Soba kai si ando Jamat. O David dobisarda le kana o Adad Ezer llelo po pai katar o Eufrates te bariarel po gazdaripe. 4Ta o David lia lendar milia bordona marimake, ta phangla efta milie boñikonen kai llan pe gra ta bis milie boñikonen kai llan peske. Ikanda e grasten katar e bordona, ta mukla stotina bordona ta e gra kai inllarena len.
5Ta avile e siriura katar o Damasko te pomozin e charo katar o Soba, o Adad Ezer. A o David mundarda bis ta dui milie sirionen. 6Ta o David thoda boñikonen ande Siria katar o Damasko, ta e siriura cherdile sluge e Davideke ta dena le ezgode. Ta o Del cherda te dobil o David kaigo llala.
7Mapalal o David lia e eskudura sunakune kai inllarena e boñikura katar o Adad Ezer, ta inllarda len ando Jerusalem. 8Ta i katar e forura Tibjat ta Kun kai sea forura katar o Adad Ezer, o David lia but tuch kai lea o Salomon cherda e direkura, o lelleno ta e ezgode ando cher e Devleko.#1 R 7.40-47; 2 Kr 4.11-18.
9Ondaka kana o Toi, o charo katar Jamat, llangla kai o David dobisarda e boñikonen katar o Adad Ezer o charo katar o Soba, 10bichalda pe chave e Adorame, te del salami e Davide ta te blagosil le, soke o Toi saia dusmano katar o Adad Ezer. Ta o Adoram inllarda leke ezgode rupune, sunakune, ta tuchne, 11ta o David dia len e Devleke. Ta i dia e Devle o sunakai ta o rup kai liaia katar e edomitura, e moabitura, e amonitura, e filisteura ta e amalekitura.
12Ta o Abisai chavo katar o Seruia, dobisarda desojto milie edomitonen ande bari umal katar o Lon, 13ta thoda boñikonen pe sa e phuv katar o Edom, ta e edomitura cherdile sluge e Davideke. Ta o Del cherda te dobil o David kaigo llala.
E mai glamne boñikura katar o David
2 S 8.15-18; 20.23-26
14Ta o David charoisarda ande sa o Israel, ta krisila pe foro lachimaia ta chachimaia. 15O Joab chavo e Seruiaeko gazdarila pe boñikonen, ta o Josafat chavo e Ajiludeko dela len golli so saia te cheren. 16O Sadok chavo e Ajitubeko, ta o Abiatar chavo e Ajimeleko sea popura. O Savsa saia o pismiri. 17Ta o Benaias chavo e Joiadaeko gazdarila pe kereteura ta e peleteura. E chave e Davideke sea e mai preche llene kai pomozina le.
Currently Selected:
1 Kronikas 18: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
