1 Kronikas 17
17
O Del achel po alav e Davidea
2 S 7.1-29
1Kana o David saia ande po cher, phenda e Nataneke o profeta:
Dik akana, me ziviv ando cher cherdo katar o sedro, a e arka katar e alava e Devleke si thodi telal katar e chitura.
2Ta o Natan phenda e charoke:
Lla, ta cher so si ande cho lio, soke o Del si tuia.
3Isto goia riat o Del dia orba e Natanea, ta phenda leke:
4Lla ta phen me slugake e Davideke, kai me o Del phedem gia:
Tu ni ka vazde mange cher te ziviu kote. 5Me ni zivisardem ande iek cher sar kana ikandem e chaven e Israeleke katar o Ejipto llik akana, me sema chara charate. 6Ta ande sa o vreme kana llelem lenchar, nikada ni manglem katar ni iek krisari e Israeleko kai bichaldem te arakhel me foro, te vazdel mange iek cher kastuno katar o sedro. 7Goleke phen me slugake o David gia:
Me ikandem tut katar e stoka e bakrengi palal katar e bakre te na ave ios chobano, ta thodem tut gazda katar mo foro o Israel. 8Sema tuia kaigo llelan, zatrisardem che dusmanonen, ta diem tut iek baro anav, sargo e anava kai si len e mai preche llene katar e phuv. 9Ta i lachardem iek phuv te sai zivil kote mo foro o Israel, te na chuden len kotar nikada ios, te na patin len e bilache sargo omanglal, 10sar kana thodem krisaria pe mo foro o Israel, a ka thovav ando lallao che dusmanonen. Ta ka sikavav chuke kai ka dav tut but chave. 11Ta kana ka avel o son katar che llivesa ta ka mere, me ka vazdav mapalal tutar iekhe maskar che chave, ka thovav le charo ta ka pomoziv le ande leki charoina. 12Vou ka vazdel mange cher, ta me ka cherav te avel leko trono ostade. 13Me ka avav leke dad, a vou ka avel mange chavo. Ni ka lav letar mo volipe, gia sar liem le goletar kai saia mai anglal tutar,#2 Kor 6.18; Ebr 1.5. 14ta ka thovav le ande mo cher ta ande murni charoina ostade, ta leko trono ka avel zuralo sa o vreme.
15O Natan phenda e Davideke sa gala ezgode, isto gia sar dikhla len sargo ande iek suno. 16Ondaka o charo o David dia andre ta thodape angla o Del, ta phenda:
Devla, Gazda ¿ko sem me, ta ko so si mi familia kai andan man llik kate? 17Ta na samo gua Devla, soke i dian orba katar so ka avelpe me porodoia, ta dikhlan man sargo kana sema iek lleno glamno, ioi Devla Gazda. 18¿So ios sai phenav chuke Devla, kana tu pinllare man kai sem cho sluga? 19Sa gala ezgode cherdan sar phendan le, ta ande cho lio manglan te llanel le cho sluga, soke voli le. 20Devla, niko inai sargo tu ta inai ios Del sargo tu, prema so asundam. 21¿Ta savo foro si sargo cho foro o Israel maskar sa e phuvia? Soke tu braduisardan le te sai avel pinllardo cho anav, ta cherdan bare ezgode ta but sukar kana ikandan len katar o Ejipto, ta chudian e foronen ta lenge delen. 22Soke tu phendan kai cho foro o Israel ka avel chiro ostade, a tu Devla, san lengo Del.
23Akana Devla, cher sa so phendan che slugake ta leke porodoke, isto gia sar phendan le. 24Te avel cho anav blagosime ostade. Te phenen kai o Del kai si le sa e zor, si o Del e Israeleko. Ta te aven ostade angla tu e chave e Davideke. 25Tu Devla cherdan te llanav kai ka de man porodo baro, ta goleke sai moliv man chuke. 26Tu Gazda san o Del, ta jalan sovel kai ka chere che slugake gachin lachipe. 27Tu manglan te blagosi o porodo katar cho sluga, te avel ostade angla tu. Soke tu u blagosisardan len ka aven blagosime ostade.
Currently Selected:
1 Kronikas 17: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
