1 Kronikas 14
14
O Jiram bichalel llenen kai o David
2 S 5.11-12
1O Jiram kai saia o charo katar o Tiro, bichalda llenen kai o David. Ande kasta katar o sedro, llenen kai cheren ezgode kastune, llenen kai radina ande barra te vazden zidura, te vazden iek cher e Davideke. 2Ta o David acharda kai o Del thoda le charo katar o Israel, ta kai cherda te avel bari leki charoina pe leko foro o Israel.
Aver chave katar o David
2 S 5.13-16; 1 Kr 3.5-9
3O David lia avere diskinien ando Jerusalem, ta avila le ios chaurre ta chorra. 4E chaurre kai avila le ando Jerusalem sea, o Samua, o Sobab, o Natan, o Salomon, 5o Ibjar, o Elisua, o Elpelet 6o Noga, o Nefeg, o Jafia, 7o Elisama, o Beeliada ta o Elifelet.
O David dobil e filisteonen
2 S 5.17-25
8Kana e filisteura asunde kai thode e Davide charo katar o Israel, llele te roden e Davide, ta kana o David llangla le, llelo te marelpe lenchar. 9Ta avile e filisteura, ta thodepe ande bari umal katar o Refaim. 10Ondaka o David puchla e Devle:
¿Sai te marav man e filisteonenchar? ¿Ka de len ande me va?
Ta o Del phenda leke:
Lla, soke me ka dav len ande che va.
11Ta o David avilo ando Baal Perasim, ta kote dobisarda e filisteonen. Goleke o David phenda:
O Del phagla me dusmanonen me vastea sargo kana phagon e paia. Goleke ikharda o anav katar gua than Baal Perasim. 12Ta e filisteura mukle chudine pe delen ta o David phenda te phabaren len.
13Ta pale avile e filisteura ande bari umal katar o Refaim. 14Ta o David pale puchla e Devle te llal o te na llal po maripe, ta o Del phenda leke:
Na lla lende, thov tut truial lendar, ta ka ave pe lende angla e kasta katar o balsamo.
15Kana ka asune sargo kana phiren upral pe kasta katar o balsamo, ondaka lla te mare tut lenchar, soke o Del ka llal angla tu te ranil boñikonen e filisteonen.
16Ta gia cherda le o David, isto gia sar phenda leke o Del, ta dobisarda len katar o Geba llik kai o Gezer. 17Goleke o David cherdilo but pinllardo ande sa gala phuvia. Ta o Del cherda te daran katar o David sa e phuvia.
Currently Selected:
1 Kronikas 14: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
