1 Kronikas 13
13
O David mangel te inllarel e arka katar o Del o Gazda ando Jerusalem
1O David puchla e llenen kai sea gazda katar milie ta katar stotine boñikura, 2ta mapalal phenda sa e foroke katar o Israel:
Te dikhen tumen kai si sukar ta te si e volia katar o Gazda amaro Del, aven te ikhara sa amare phlalen kai si rispime ande thana katar o Israel, e poponen ta e levitonen kai si ande forura ta ande forichura, te aven amenchar 3te ana e arka katar o Del o Gazda, soke sar kana saia o vreme katar o Saul, amen bristrailam latar. 4Sa o foro achilo pe orba te anen e arka, soke saurrenge avila drago so phenela o David.
O David llal te anel e arka katar o Del o Gazda
2 S 6.1-11
5O David chidia sa e foro katar o Israel, katar o Sijor ando Ejipto llik kai delpe ando Jamat, te sai anen e arka katar o Del o Gazda katar o Kiriat Jearim.#1 S 7.1-2. 6Mapalal o David ta sa o foro katar o Israel llele ando Baala katar o Kiriat Jearim kai si ando Juda, te anen kotar e arka katar o Del o Gazda, kai angla la blagosin o anav katar o Del kai si le sa e zor, ta kai si maskar e kerubinura.#Ek 25.18-22; 1 S 4.4; 2 S 6.2; 1 R 6.23-28; Sal 80.1; Is 37.16; Ez 1.26-28. 7Ta thode e arka katar o Del o Gazda pe iek bordon nevo, ta inllarde la katar o cher e Abinadabeko kai saia pe burdura. O Uza ta o Ajio inllarena o bordon. 8Ta o David ta sa o foro katar o Israel beselinape sa pe zoriaia angla o Del ta llilabena ande arpe, ande salteriura, ande panderura, ande firura ta ande simbalura. 9Kana avile ando Kidon kai saia iek than kai chistosarena o lliu, o Uza istarda e arka katar o Del o Gazda te na perel, soke e guruva eskonbana. 10Ta o Del jolailo po Uza ta lia leko zivoto isto kote, soke istarda e arka katar o Del o Gazda.
11Ta o David jolailo but soke o Del lia o zivoto katar o Uza, goleke o David ikharda gua than Peres Uza ta gia ikharen le llik allive. 12A o David darailo but katar o Del, ta phenda:
¿Sar ka anav ande mo cher e arka e Devleki? 13Goleke o David ni anda ande po cher e arka ando foro e Davideko, ta inllarda la ando cher katar Obed Edom o geteo. 14E arka e Devleki achili trin chon ando cher katar o Obed Edom, goleke o Del blagosisarda leke familia ta sa so saia le.#1 Kr 26.4-5.
Currently Selected:
1 Kronikas 13: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
