Malumbo 56
56
MUSI 11 HEYAWO
1Unisarie, Ee Izuwa; amu mundu ekundie ku nimija: hemusi puti eniinyala ekibighana.
2Maring’a mangu mekundie kunimija hemusi puti: amu niwo weingi webighana nami hena mafuti.
3Magheri mala naondoka: ninewika luing’idaki lwangu hako.
4Ghati ya Izuwa ninekiisisa kiteto kyakwe: ghati ya Izuwa nawika luing’idaki lwangu, sineituka; nikini muri uidima kuniketia?
5Hemusi puti wejuta viteto vyangu: makusaro mawo mose wanga yangu hena owiwi.
6Wekuwunganya, wekuwisa, weyoa mawato mangu: wekioka weiyayia ngoma yangu.
7Weghamba wenepughunyuka hena owiwi: hena oro ujigushe mbare, Ee Izuwa.
8Watara masomo mangu; umagere masoji mangu na kiwo kyako: simo ghati ya kitamo kyako?
9Niho maring’a mangu menegharuka musi nineikaniitange: nakitisiwa iki ti Izuwa ni wa mbai yangu.
10Ghati ya Izuwa ninekiisisa kiteto: ghati ya Mzuri ninekiisisa kiteto.
11Ghati ya Izuwa nawika luing’idaki lwangu, sineituka: nikini mundu eidima kuniketia?
12Viraro vyako wanga yangu, Ee Izuwa: nine kung’olia matasi ma kuanjela.
13Amu wakija ngoma yangu ghati ya kifwa: si kukija maghu mangu masigwe? nesa nisele msongorana wakwe Izuwa ghati ya kyangaji kyawo wenye moo.
Currently Selected:
Malumbo 56: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
