Malumbo 55
55
1Ung’ole isikio hena luombo lwangu, Ee Izuwa: na usikuwise hena kusemba kwangu.
2Uniyoe, na unitalwe: sisoghokami ghati ya kuiya kwangu, kake nadiha.
3Amu ya ighonda la mring’a, amu ya kuinyala kwawo wawiwi: amu wewirita owiwi wanga yangu, na ghati ya oro wenikinya.
4Ngoro yangu yawawiwa muno ndeni hangu: na fole ya kifwa yanigwia.
5Kuituka na kudedema kwanizia: na kuiruto kwanilela.
6Nikaghamba, Ije nikioka na mazau sa ibeta: ije nikimatuka, na nikisoghoka.
7Ije nikianga hae: na nikitua shighati.
8Ije nikikusarija hena mashorota: hena ngungu ya zinya na ngurumo.
9Nyamara, Ee Mzuri, ubaje lumi lwawo: amu nawona kuketa‐zinya na iwoo kiongoni.
10Hemusi na kio wejunguluka wanga ya malusarigho makwe; owiwi na mateshanyo pia meoho ghati yakwe.
11Kuketa‐viwiwi kuoho ghati yakwe: luinyalo na ukeleki touwukika ghati ya nzia jakwe.
12Amu si mring’a enibohia: kwakicha ni huwo, kwakicha nikitikana nakyo.
13Nete si mzo wangu ekuwushija wanga yangu: amu ngea kwakicha nikikuwisa hakwe.
14Kake ni we mughenji wangu: mrongoria wangu, na mbuyaa nimtisiwa muno.
15Tulie hamwe mburi inonie: tukasela na nyumba ya Izuwa sa wambuyaa.
16Kifwa kimange kuwazia, na wasare kusea na ahera: amu owiwi uoho ghati ya matuo mawo, na ghati yawo.
17Na mi, ninemwitanga Izuwa: naye Mzuri enenikija.
18Chamagheri, na heyawo, na hemusi nineiya, na ninediha: naye enenisikia ighonda.
19Niye eng’ola ngoma yangu na luworo ghati ya ngondo inilelie: amu weokie weingi welelane nami.
20Izuwa enesikia, enewatalwa, eye eikaa too kae: wala wesina kugharuka, na tewemwituka Izuwa.
21Egera mikono yakwe wanga ya wala weokie na luworo naye: akalubaa lutemiano lwakwe.
22Itumbu lakwe likashereta sa mafuta, kake ngoro yakwe ngondo: viteto vyakwe vinyoie kukela mafuta‐ma‐mbombe, kake nivyo mihandi ijutiwe.
23Gera mwagho wako wanga ya Mzuri, naye enekudindija: tekashigheye wenye ngalo wadedemishwe ndarasi.
24Kake we, Ee Izuwa, unewaseja: mtano iwongo la lunyamaro.
25Wandu wa sakame na ukeleki tewekakiewo kihindi kya misi yawo: kake ninekuing’idaki we.
Currently Selected:
Malumbo 55: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
