Malumbo 57
57
1Unisarie, Ee Izuwa, unisarie; amu ngoma yangu yaenda mashorota hako; Ee, ghati ya mvuri wa mazau mako ninewona mashorota, mtano mawiwi ama maiting’o.
2Ninemwiyia Izuwa Eye wanga ya vyose: eye Izuwa eniarehia vindu vyose.
3Enetuma kufuma wanga, na enenikija: magheri ula ekundie kunimija enibohia.
4Izuwa eneingija lusario lwakwe na kididi yakwe: ngoma yangu ioho ghati na ghati ya simba.
5Nashinjia ghati yawo weaka moto: niwo waana wa wandu, majegho mawo machumo na mivwi, na lumi lwawo muhandi ukaehe.
6Ukwejwe, Ee Izuwa, wanga ya wanga: na uwedi wako uoke wanga ya masanga mose.
7Wemaarehia mawato mangu wavu; ngoma yangu yainamijwa: wefora ikongo msongorana wangu; wegwa ghati na ghati yakwe wenye.
8Ngoro yangu yaduwijwa, Ee Izuwa, ngoro yangu yaduwijwa: ninewina, Ee, ninewina maluisiso.
9Wuka uwedi wangu; wuka, kinanda na kinubi: mi mwenye ninewuka heyawo muno.
10Ninekung’olia haika, Ee Mzuri, ghati na ghati ya wandu: ninekuwinia maluisiso ghati na ghati ya mbare.
11Amu lusario lwako lubaha mtano wanga: na kididi yako mtano majumbi.
12Ukwejwe, Ee Izuwa, wanga ya wanga: na uwedi wako uoke wanga ya masanga mose.
Currently Selected:
Malumbo 57: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
