Malumbo 41
41
MUSI 8 CHAMAGHERI
1Etasiwa ula ekumbuka mkiwa: musi wa owiwi Mzuri enemkija.
2Mzuri enemrinda, na enemghenja asifwe, naye enetasiwa masangeni: nete usimng’ole hena kila kikundiwe ni wazo wakwe.
3Mzuri enemtiricha ghati ya wui wa kuwadjua kwakwe: waareha vindu vyose vya wui wakwe ghati ya ndwari yakwe.
4Nikaghamba, Ee Mzuri, unisarie: uihodje ngoma yangu, amu naketa ng’oki wanga yako.
5Maring’a mangu wenitetia viwiwi, wekighamba: Ni rini enefwa, na izina lakwe lineteka.
6Na ekiza aniwone, eteta kihaya; ngoro yakwe yakuwunganyia owiwi: magheri ma kusela shighati eliya mburi yakwe.
7Wose wala wenisua weweweda hamwe wanga yangu: wanga yangu wela ngiliwata ya kuniwinya.
8Ndwari mbiwi, weghamba, yagurana naye muno: na ingeriaha eshinjia tekawukaye ndarasi.
9Ee, mbuyaa wangu mwenye, nimkundie, nimwitikije, eye ekila kya kidjo kyangu: eniwushijia tutunye yakwe.
10Kake We, Ee Mzuri, unisarie, uniwushije: nesa niwaihie.
11Hena iyo natisiwa ti waisejwa nami: amu mring’a wangu tenilelaye.
12Na mi, wanitiricha ghati ya wuirowili wangu: na waniwika msongorana wa wusho wako ndarasi.
13Atasiwe Mzuri, Izuwa wa Israeli: too ndarasi na mtano ndarasi. Amen, na Amen.
Currently Selected:
Malumbo 41: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
