Malumbo 42
42
1Sa sarigha yahemahema hena mifuro: huwo ngoma yangu yahemahema hena we, Izuwa.
2Ngoma yangu ina ngiru hena Izuwa, hena Izuwa mwenye moo: ni rini nineza na ninefumiria msongorana wakwe Izuwa.
3Masoji mangu meokie kidjo kyangu hemusi na kio: wekiniwurra hemusi puti, Izuwa wako eohohi?
4Navikumbuka vindu ivi, namimina ngoma yangu ndeni hangu: nize nitongie na matorano, nikawatika na nyumba ya Izuwa.
5Na ighonda la luizihirwo na luisiso: matorano megura musi mbaha.
6Nini wainama, ee ngoma yangu: nini wala wasi ndeni hangu?
7Mwing’idaki Izuwa: amu ikuade ninemwisisa hena luduwo lwa wusho wakwe.
8Ee Izuwa wangu, ngoma yangu yainama ndeni hangu: amu ii nakukumbuka kufuma isanga la Yardeni, na Mahermoni, na nduwi Mizar.
9Heforeke heitanga heforeke hena kururuma kwa ngungu yako: visibwe vyako vyose vidongo na vibaha vyavetia wanga yangu.
10Kake Mzuri eneluaghanya lukundo lwakwe hemusi: na kio kivino kyakwe kineoka hamwe na mi, luombo hena Izuwa wa moo wangu.
11Ninemburra Izuwa ibwe langu, Nini waniiwaa: nini natonga nikishiniwa amu ya kuinyalwa kwa maring’a?
12Sa na muhandi mawindini hangu, wazo wangu wenibohia: wekiniwurra misi yose, Izuwa wako eohohi?
13Nini wainama, ee ngoma yangu: nini wala wasi ndeni hangu?
14Mwing’idaki Izuwa: amu ikuade ninemwisisa; eye luduwo lwa wusho wangu, na Izuwa wangu.
Currently Selected:
Malumbo 42: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
