Malumbo 40
40
1Namwindia Mzuri na kuinda kwedi: akaniinamia, akakisikia kiiyo kyangu.
2Akanikweja pia ghati ya iwongo la wasi, ghati ya kitondo kya kushereta: akamawika maghu mangu ibweni, akaiduwija mitongie yangu.
3Naye egera kivino kisha itumbuni hangu, nikyo luisiso hena Izuwa wetu: weingi weneiwona, na weneondoka, na wenemwitikija Mzuri.
4Etasiwa mundu emwosha Mzuri luing’idaki lwakwe: na teyoaye wenye mafuti, nete wala wegharuka mbai hena maongo.
5Meingi, Ee Mzuri Izuwa wangu, marighio umaareha, na makusaro mako hetu: temeidima kutarwa hako; nikakunda kumatoranya na kumatetia, nimo meingi mekelie kutarika.
6Itasi na mang’olwa toumakundie; umajughua masikio mangu: itasi la kushota na itasi la ng’oki toumaendawe.
7Niho nitetie, Yoa, naza: ghati ya kikodo kya kitamo natamiwa.
8Nakunda kuketa sandu ukundie We, Ee Izuwa wangu: ee, sheria lako lioho ngoroni hangu.
9Natoranya ngalo ghati ya mawunganyiko mabaha: yoa, sikaiswija miomo yangu, Ee Mzuri, watisiwa.
10Siwisami ngalo yako ngoroni hangu; nalutoranya luitikijo lwako na lukio lwako: simawisiami mawunganyiko mabaha lukundo lwako na kididi yako.
11Usiniime malusario medi mako, Ee Mzuri: lukundo lwako na kididi yako jinirinde misi yose.
12Amu mawiwi mesitarika menijunguluka mbai jose, matekwa mangu manigura, nisiidime kuwushija meso mangu: nimo meingi kukela nyui ja mtwi wangu, na ngoro yangu yasokea ndeni hangu.
13Uisejwe, Ee Mzuri, hena kunikija: usare kunighenja, Ee Mzuri.
14Wagurwe ni soni na warighiwe hamwe, wala waienda ngoma yangu wainyamare: wagharushwe nyuma na wawone nguruna, wala weizihirwa ghati ya mawinyo mangu.
15Washighwe wenye amu ya nguruna yawo: wala weniwurra, We, we!
16Wose wakuenda we waizihirwe na waisejwe ghati yako: na wala welukunda lukio lwako waghambe misi yose, Mzuri arumishwe.
17Kake nimi mkiwa na mbaiya; Mzuri enikumbuka: niwe lughenjo lwangu na mukija wangu; usisheshe, Ee Mzuri wangu.
Currently Selected:
Malumbo 40: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
