Malumbo 39
39
1Nitetie, ninejiyoa nzia jangu: nisitekwe na lumi lwangu.
2Ninelirinda itumbu langu sa na hatamu: wawiwi wekioka mesoni hangu.
3Niswije lumi lwangu, nisitete: nikahuja, mtano na viteto vyedi; kake luwawo na wukiwa hangu.
4Ngoro yangu ikaaka ndeni hangu, ghati ya kugheshijia huwo moto ukaaka: kuidiwika nikateta na lumi lwangu;
5Mzuri, unitisiwije kuidiwika kwangu, na kutara kwa misi yangu: nitwarije magheri mangu.
6Yoa, waniarehia misi yangu sa dambo: kukia kwangu sa si kinducho msongorana wako, na kididi mundu ose eoho utuhu deng’e.
7Amu mundu esela na kivuri kituhu, ekurisha wasi huwo: ewunganya mali, asiidime kughamba niani enemauha.
8Na ingeriaha Mzuri, luing’idaki lwangu nikini: kididi luing’idaki lwangu hako.
9Unikije ghati ya matekwa mangu mose: nete usinioshe masolo ma watomode.
10Nihuja, sijughua itumbu: amu niwe uiarehe.
11Uniwushijie bigho lako, hena kuemea kwa mkono wako naiting’o.
12Ukamhunduiya mundu hena owiwi na mabohio, watesha uwedi wakwe sa mbambarito: kididi utuhu mundu ose.
13Usikie, Ee Mzuri, luombo lwangu, usikije nikiiya: usimahujie masoji mangu.
14Amu mi mugheni hako: mzoki, sa waapa wangu wose.
15Unishigie, nesa nidindijwewa: kuwoka kwa kufuma, na kusaoka.
Currently Selected:
Malumbo 39: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
