Malumbo 38
38
MUSI 8 HEYAWO
1Ee Mzuri, usinidewere ghati ya oro yako: nete usinibighe ghati ya kuregija kukaehe kwako.
2Amu mivwi yako yaniingia muno: na mkono wako unishukuma viwiwi.
3Tehenaho wuzima murini hangu amu ya kuregija kwako: nete tehenaho kusoghoka mawindini hangu amu ya ng’oki yangu.
4Amu matekwa mangu mevetia wanga ya mtwi wangu: sa mwagho uemea kukela naidima kutika.
5Arata jangu janyuka na jawoa: amu ya kutomoda kwangu.
6Nawawiwa na nainamijwa muno: natonga nikishiniwa hemusi puti.
7Amu vikudi vyangu vyaizua na kusha: na tehenaho wuzima murini hangu.
8Nasokea na nabunyuwa muno: nadiha amu ngoro yangu teihujayo.
9Mzuri, nyami yangu yose ioho msongorana wako: na kudiha kwangu tokuwiswa hako.
10Ngoro yangu yabighabigha, zinya yangu yaniduhukia: na kyangaji kya meso mangu, kyanishigha.
11Wala wenikunda na wambuyaa wangu weimuka hae hena bigho langu: na wa‐mbare wangu weimuka hae.
12Na wala weuenda moo wangu wenigeria mazero: na wala weenda kuniwinya weteta viwiwi, na wegheshijia kukenga hemusi puti.
13Kake mi, sa mundu ming’ani, sisikiami: na nioho sa mundu bubu asilijughue itumbu lakwe.
14Ee, nimi sa mundu esisikia: na itumbuni hakwe tehenaho viteto.
15Amu naing’idaki hena we, ee Mzuri: enetalwa, ee Mzuri Izuwa wangu.
16Amu nitetie, Wasiizihirwe wanga yangu: kughu kwangu kukishereta, wekuisisa wanga yangu.
17Amu nikundie kuimuka nisitongewa: na kushiniwa kwangu msongorana wangu misi yose.
18Amu nineughamba owiwi wangu: na nineshiniwa hena ng’oki yangu.
19Kake maring’a mangu wekia, na wedinda: na wala wenisua hena maongo weongejika.
20Na wala wehundua viwiwi hena vyedi ni wazo wangu: amu nakiratera kindu kila kiokie kyedi.
21Usinishighe, ee Mzuri: ee Izuwa wangu, usioke hae kufuma hangu.
22Usare kunighenja: ee Mzuri lukio lwangu.
Currently Selected:
Malumbo 38: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
