Malumbo 34
34
1Ninemtasia Mzuri magheri mose: luisiso lwakwe luneoka itumbuni hangu lusiiting’o.
2Ngoro yangu inekuisisa ghati ya Mzuri: wahoo weneisikia mburi yakwe, na weneizihirwa.
3Mrumisheni Mzuri hamwe na mi: tulikweje izina lakwe hamwe.
4Nimwendie Mzuri, akanisikia: akaning’ola ghati ya kuituka kwangu kwose.
5Wakamyoa, wakaangajwa: na mawusho mawo temekaoka na soni ndarasi.
6Mkiwa uu akaiya, Mzuri akamsikia: akamkija ghati ya mawukiwa wakwe wose.
7Malaika wa Mzuri etua mbai yawo wemwondoka: naye ewakija.
8Chameni, mureyoeni, ti Mzuri ni wedi: etasiwa mundu ula eitikija hena ye.
9Mwondokeni Mzuri, unywi mushenete wakwe: amu wala wemwondoka tewesowe kindu.
10Waana simba wesowa, na wewawiwa hena nzaa: kake wala wemwenda Mzuri tewekasowe kindu kyedi kyose.
11Nzooni, unywi waana, nisikijeni: ninemlosha kumwondoka Mzuri.
12Mundu ani niye ekundie moo: na ekundie misi, nesa awone vyedi.
13Uluswije lumi lwako ghati ya owiwi: na miomo yako isitete visiwe.
14Shigha viwiwi, ukete vyedi: enda luworo, uluratere.
15Meso makwe Mzuri ni hena wenye ngolo: na masikio makwe majughuka hena kiiyo kyawo.
16Wusho wakwe Mzuri ni wanga yawo weketa viwiwi: achwe lukumbusho lwawo kufuma masangeni.
17Mwenye ngalo akaiya, Mzuri akasikia: akawang’ola ghati ya mawiwi mawo mose.
18Mzuri ni afuhi na wose webaike ngoro: na ewakija wala wenye ngoro ya kuchwa‐muti.
19Mawasi makwe mwenye ngalo ni meingi: kake Mzuri emkija ghati ya mose.
20Emarinda mawindi makwe mose: temebaika nete imwe.
21Owiwi unewakoma wawiwi: na wala wewasua wenye ngalo wenechiliwa.
22Mzuri eikombola ngoro ya wazoro wakwe: na tehena mwe eitikija hena ye enechiliwa.
Currently Selected:
Malumbo 34: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
