Malumbo 33
33
1Izihirweni ghati ya Mzuri, unywi wenye ngalo: luisiso ni lwedi hena wairowili.
2Mwanjeleni Mzuri hena kinubi: mbinieni maluisiso hena kinanda kya nzighi ikumi.
3Mbinieni kivino kisha: bigheni kinanda hena ng’eno na kilozo kibaha.
4Amu kiteto kyakwe Mzuri kirongeke: na ndima yakwe yose yaketika hena luitikijo.
5Ekundie ngalo na wuchili: masanga meizua lukundo lwakwe Mzuri.
6Hena kiteto kyakwe Mzuri vya wanga vikaarehika: na lweriri lwawo lwose hena kuhema kwa itumbu lakwe.
7Ejiwunganya mbombe ja bahari hamwe sa kizumbu: ehawisa heforeke vilaloni.
8Masanga mose mamwondoke Mzuri: na wose wetue masangeni wamwituke.
9Amu etetie, kikaarehika: akaaghanya, kikaimuka nezo.
10Mzuri eitesha mburi ya mbare: emaosha makusaro ma wandu kunyamarika.
11Mburi yakwe Mzuri yaimuka ndarasi: makusaro ma ngoro yakwe hena marika mose.
12Itasiwa mbare ila, Izuwa wakwe niye Mzuri: wandu ewasawurie waoke uhoja wakwe mwenye.
13Mzuri eyoa kufuma wanga: ewawona waana wa wandu wose.
14Kufuma handu ha kutua kwakwe eyoa: wanga ya wose wetua masangeni.
15Eye ejiareha ngoro jawo wose: ejigheshijia ndima jawo jose.
16Tehenaho mfumwa ekijwa hena lweriri lubaha: mundu mwaaria tekijwa hena zinya mbaha.
17Frasi ni kindu kihaya hena kukija: nete teng’olaye mundu hena zinya mbaha yakwe.
18Yoa, ijiso lakwe Mzuri lioho wanga yawo wemwondoka: wanga yawo weing’idaki ghati ya lusario lwakwe.
19Awakije ngoro yawo ghati ya kifwa: na awarinde na moo magheri ma nzaa.
20Ngoro yetu yamwinda Mzuri: niye lughenjo lwetu na ngao yetu.
21Amu ngoro yetu ineizihirwa hena ye: amu twaitikija hena izina lakwe lishenete.
22Lusario lwako, ee Mzuri, luoke wanga yetu: sandu twaing’idaki hena we.
Currently Selected:
Malumbo 33: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
