Malumbo 30
30
MUSI 6 HEYAWO
1Ninekuisisa, ee Mzuri, amu waniwushija: usimaoshe maring’a mangu kuizihirwa wanga yangu.
2Ee Mzuri Izuwa wangu, nikuiiye: ukanihodja.
3Ee Mzuri, waikweja ngoro yangu kufuma Sheol: ukanirinda nisifwe, nisisee iwongoni.
4Mbinieni Mzuri luisiso, unywi washenete wakwe: ling’olieni haika izina lakwe lishenete.
5Amu kuregija kwakwe ni kwa ingeriaha tiki; hena mvono wakwe ni moo: kuiya kuneikaa hena kio, kake luizihiro lwaza heyawo.
6Kake mi, nitetie ghati ya kuketa nguwari: Sikawushijwami ndarasi.
7We, Mzuri, hena mvono wako waiosha nduwi yangu kuimuka nezo: ukauwisa wusho wako, nikala wasi.
8Nikuiyie, ee Mzuri: nikamng’olia Mzuri maluombo.
9Hena mbucha ani ghati ya sakame yangu, nikisea iwongoni: purughushe inekuisisa: ineitoranya kididi yako?
10Usikie, ee Mzuri, na unisarie: Mzuri, uoke mughenja wangu.
11Wanigharushia kuiya kwangu kuoka kuseka: wanihambua gunia, wanidoka luizihiro.
12Nesa kirumi kyangu kikuvinie luisiso, kisihuje: ee Mzuri Izuwa wangu, ninekuanjela haika ndarasi.
Currently Selected:
Malumbo 30: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
