Malumbo 29
29
1Mng’olieni Mzuri, unywi waana wa Izuwa: mng’olieni Mzuri kirumi na zinya.
2Mng’olieni Mzuri kirumi kila kiwe hena izina lakwe: mwombeni Mzuri ghati ya uwedi wa kusheneta.
3Ighonda lakwe Mzuri lioho wanga ya mbombe, Izuwa wa kirumi eruruma: Eye Mzuri wanga ya mbombe nyingi.
4Ighonda lakwe Mzuri lina zinya: ighonda lakwe Mzuri laizua ubaha.
5Ighonda lakwe Mzuri laibaa mierezi: ee, Mzuri eibaabaa mierezi ya Lebanoni.
6Eiosha pia itoroke sa ndama: Lebanoni na Sirioni sa mwana‐mbogho.
7Ighonda lakwe Mzuri lachwa maluwerewere ma moto, ighonda lakwe Mzuri ladedemisha shighati: Mzuri elidedemisha shighati la Kadeshi.
8Ighonda lakwe Mzuri lajiosha ngondi kumogha, lahambua vitito: na ghati ya hekalu lakwe kindu kyose kyateta, Kirumi.
9Mzuri eikee sa mfumwa hena mlombia: ee, Mzuri eikee sa mfumwa ndarasi.
10Mzuri enewang’olia wandu wakwe zinya: Mzuri enewatasia wandu wakwe na luworo.
Currently Selected:
Malumbo 29: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
