Malumbo 31
31
1Ghati yako, ee Mzuri, nawika luing’idaki lwangu; nisigurwe ni soni ndarasi: unikije ghati ya ngalo yako.
2Uniinamijie isikio lako, unikije wangu: uoke ibwe lidindie hangu, nyumba ya lurindo ya kunikija.
3Amu niwe ibwe langu na boma yangu: hena iyo unitike na unirongoje hena lwa izina lako.
4Uning’ole ghati ya nyavu wenigeria hena mbiso: amu niwe boma yangu.
5Mkononi hako nawika ngoma yangu: wanikombola, ee Mzuri, Izuwa wa kididi we.
6Nawasua wala weyoa vihaya vya maongo: kake naitikija hena Mzuri.
7Nineisejwa na nineizihirwa ghati ya lusario lwakwe: amu wauwona wasi wangu, wamatisiwa mawukiwa ma ngoro yangu.
8Tounifingawe mkononi ha mring’a: wamawika maghu mangu na handu habaha.
9Unisarie, ee Mzuri, amu nioho na wukiwa: ijiso langu likundie kuteka hena lushinio, ee, ngoro yangu na muri wangu.
10Amu kukia kwangu kwatonga na wukiwa, na miaka yangu na kusumukia: zinya yangu yaduhuka amu ya owiwi wangu, na mawindi mangu manyonga.
11Amu ya wazo wangu wose niokie nguruna: ee, muno hena walatya wangu, na kuondoka hena wala wenitisiwa.
12Wala weniwona shighati wenimatukie: naiwaawa ngoroni sa efwie, niokie sa kiya kibajike.
13Amu nisikie machunganyo ma weingi, kuituka kwa mbai jose: wekila ngiliwata hamwe wanga yangu, wekiareha ukeleki wanikome.
14Kake niitikije hena we, ee Mzuri: nikaghamba, Niwe Izuwa wangu.
15Magheri mangu meoho mkononi hako: uning’ole mkononi na ha wala wenikinya.
16Uuangaje wusho wako wanga ya muzoro wako: unikije ghati ya lukundo lwako.
17Nisigurwe ni soni, ee Mzuri, amu nikuitangie: wawiwi wagurwe ni soni, wahuje ghati ya Sheol.
18Miomo yenye kuchwa‐maongo ihuje: iwaetie nyare wenye ngalo, na mafuti na kudaa.
19Nize uwedi wako ni wingi, uwawikie wala wekuondoka: uwaarehia wala weitikija hena we, msongorana wa waana wa wandu.
20Ghati ya finikiro la kuikaa kwako unewawisa hena ngiliwata ja wandu: unewarinda na mbiso ghati ya hema hena malelano ma malumi.
21Atasiwe Mzuri: amu eniwondja lukundo lwakwe lwa kuing’asija ghati ya kiongo kina zinya.
22Amu nitetie nikisara, Nachika mesoni hako: kake usikie ighonda la kusemba kwangu nikinakuiyie.
23Mkundeni Mzuri, unywi wose mushenete wakwe: Mzuri ewarinda waitikiji, na emng’olia viingi mwenye kuketa hena mafuti.
24Mudinde, na ngoro yenyu ikarie: unywi wose muing’idaki hena Mzuri.
Currently Selected:
Malumbo 31: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
