Malumbo 26
26
1Uoke mchili wangu, Ee Mzuri, amu nasela nisina ng’oki: luitikijo lwangu pia nilo ghati ya Mzuri, amu iyo sigwa mi.
2Uniyoe, Ee Mzuri, na unigheshe: unigheshe ndeni na ngoro.
3Amu lukundo lwako luoho misi yose msongorana wa meso mangu: na ninesela ghati ya kididi yako.
4Situami na wandu wa kihaya: nete sitongami na wandu wakeleki.
5Nalisua wunganyiko la waketi‐viwiwi: na siikaami hamwe nawo wawiwi.
6Nineoja mikono yangu na kusatekwa: na huwo ninetonga hena kisiko kyako.
7Nesa nitoranye na ighonda la haika: na nilie mburi ya marighio mako mose.
8Mzuri, nalikunda tuo la nyumba yako: na hema la kirumi kyako.
9Usiwushije ngoma yangu hamwe nawo wenye ng’oki: nete moo wangu hamwe na wandu wa sakame.
10Mikononi hawo mateshanyo meoho: na mkono wa kuume wawo waizua malumolesha.
11Kake mi, ninesela na wuirowili wangu: unikombole, unikete lusario.
12Kughu kwangu kwaimuka ghati ya handu hedi: ghati ya mawunganyiko ninemtasia Mzuri.
Currently Selected:
Malumbo 26: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
