Malumbo 27
27
MUSI 5 CHAMAGHERI
1Mzuri niye kyangaji kyangu na lukio lwangu; nimwituke niani: Mzuri niye zinya ya moo wangu; nimwondoke niani?
2Wekinanizie waketi‐viwiwi nesa wale nyama yangu: wazo wangu na maring’a mangu, webighie msadara wakagwa.
3Ikioka lweriri lwatua wanga yangu, ngoro yangu teineituka: ikioka ngondo yawuka wanga yangu, niho pia nineitikija.
4Kindu kimwe naomba hena Mzuri, nikyo ninekienda: nitue nyumbeni ha Mzuri misi yose ya kukia kwangu, kuuyoa uwedi wa Mzuri, na kuomba ghati ya hekalu lakwe.
5Amu ghati ya musi wa wasi enenirinda na mbiso ghati ya hema lakwe: ghati ya finikiro la hema lakwe eneniwisa; eneniwushija wanga ya ibwe.
6Na ingeriaha mtwi wangu unewushijwa: wanga ya maring’a mangu wa mbai yose.
7Nineng’ola ghati ya hema lakwe matasi ma luizihiro: ninevina, ee, ninevina maluisiso hena Mzuri.
8Usikie, ee Mzuri, nikiiya na ighonda langu: unisarie pia, na unitalwe.
9Ukinaghambe, Endeni wusho wangu: ngoro yangu ikuwurrie, Wusho wako, ee Mzuri, nineuenda.
10Usiniwisie wusho wako: usimkinye muzoro wako ghati ya kuregija kwako.
11Uokie lughenjo lwangu: usinikinye nete usinishighe, ee Izuwa wa lukio lwangu.
12Amu apa na iya wenishigha: kake Mzuri eneniwushija.
13Uniloshe nzia yako, ee Mzuri: na unitike ghati ya nzia irongeke, amu ya maring’a mangu.
14Usinigere mikononi ha maring’a mangu: amu weng’oli‐mburi wa maongo waniwukia, na wenye kuteta viwiwi.
15Kwakicha nikisokea, nisiitikija kuwona uwedi wa Mzuri: ghati ya isanga lawo wenye moo.
16Mwinda Mzuri: duwa, ngoro yako idinde; ee, mwinda Mzuri.
Currently Selected:
Malumbo 27: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
