Malumbo 25
25
1Hako, Ee Mzuri, nawushija ngoma yangu: Ee Izuwa wangu, nakuitikija We.
2Nisigurwe ni soni: nete maring’a mangu wasining’arie.
3Ee, tehena ekuinda We enegurwa ni soni: wala wenegurwa ni soni weketa hena urenge wesho.
4Uniwondjia nzia jako, Ee Mzuri: uniloshe mavetio mako.
5Unirongoje ghati ya kididi yako, na uniloshe: amu niwe Izuwa wa lukio lwangu; nakuinda We hemusi puti.
6Umakumbuke, Ee Mzuri, masario mako na malukundo mako: amu meokie ndarasi too kae.
7Usijikumbuke ng’oki ja wudongo wangu, nete matekwa mangu: hena lukundo lwako unikumbuke, hena lwa uwedi wako, Ee Mzuri.
8Wedi na eirowili Mzuri: amu ya iyo enelosha wenye ng’oki nzieni.
9Enewarongoja wahoo ghati ya wuchili: enewalosha wahoo nzia yakwe.
10Nzia jose ja Mzuri ni lukundo na kididi: hena wala wegura aghanyo lakwe na mburi jakwe.
11Hena lwa izina lako, Ee Mzuri: unishighie kutekwa, amu kubaha.
12Mundu uhi niye emwondoka Mzuri: enemlosha na nzia eneisaghura.
13Ngoma yakwe inetua na lusowoko: na waana wakwe wenelihodja isanga.
14Ngiliwata ya Mzuri ni hamwe na wala wemwondoka: na enewawondjia aghanyo lakwe.
15Meso mangu misi yose meoho ha Mzuri: amu niye eneng’ola maghu mangu ghati ya nyavu.
16Ukugharushe hangu, na unisarie: amu nina kihebu na nala wasi.
17Mawukiwa ma ngoro yangu maneta: uning’ole ghati ya mawasi mangu.
18Uyoe wasi wangu na ndima yangu: na unishighie ng’oki jangu jose.
19Umayoe maring’a mangu, amu ni meingi: na wenisua na lusugho lukaehe.
20Unirinde ngoma, unikije: nisigurwe ni soni, amu nakuitikija We.
21Wuirowili na wusheneto wunirinde: amu nakuinda We.
22Umkombole Israeli, Ee Izuwa: ghati ya mawasi makwe mose.
Currently Selected:
Malumbo 25: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
