Malumbo 108
108
MUSI 22 CHAMAGHERI
1Ngoro yangu yaikaa nezo, ee Izuwa: ninevina, ee, ninevina maluisiso, na kirumi kyangu.
2Wukeni, kinanda na kinubi: mi mwenye ninewuka kerre.
3Ninekuanjela, ee Mzuri, ghati ya mbare: na ninekuvinia maluisiso ghati ya wandu.
4Amu lusario lwako lubaha kukela wanga: na kididi yako yafika mtano na majumbi.
5Ukwejwe, Ee Izuwa, kukela wanga: na kirumi kyako wanga ya masanga mose.
6Nesa mkundwa wako akijwe: unikije na mkono wako wa kuume, na ututalwe.
7Izuwa etetie ghati ya kusheneta kwakwe; Nineizihirwa: Nineghawa Shekemi, na nineghesha iwongo la Sukkoti.
8Gileadi ni wangu; Manasse ni wangu: Efraim pia ni lurindo lwa mtwi wangu; Yuda ni isibo langu.
9Moabi ni nyungu‐ya‐kuoja yangu; wanga ya Edom ninekiwirita kiratu kyangu: wanga ya Filistia ninekuisisa.
10Niani eneniingija na kiongo kina lusarigho: niani enitika mtano Edom?
11We toututagha hae, ee Izuwa: toufuma we, ee Izuwa, hamwe na malweriri metu?
12Utughenje wanga ya mzo: amu lughenjo lwa mundu ni wesho.
13Hena Izuwa tuneketa viaria: amu niye enewawata wazo wetu.
Currently Selected:
Malumbo 108: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
