Malumbo 109
109
1Usihuje, ee Izuwa wa luisiso lwangu: amu itumbu la wawiwi, itumbu la wakeleki lanijughukia.
2Wenitetia na lumi lwa maongo: wenijunguluka na viteto vya lusuwo, webighana nami wesina lukake.
3Hena lukundo lwangu niwo wazo wangu: kake nakung’ola hena kuomba.
4Nawo weniwikia viwiwi hena vyedi: na lusuwo hena lukundo lwangu.
5Uwike mundu mbiwi wanga yakwe: na mzo aimuke hena mkono wakwe wa kuume.
6Ekichiliwa, afume mwenye kutekwa: na luombo lwakwe lugharushwe kuoka ng’oki.
7Misi yakwe iduhuke: na ungi agure ndima yakwe.
8Waana wakwe waoke wesina wawee: na mche wakwe aoke ngawiani.
9Waana wakwe waoke wenye kuzarazara, na kuomba: waende kidjo kyawo kufuma handu ha nzaa.
10Mwenye kuinyala avigure vyose evihete: na wagheni waitahe ndima yakwe.
11Asioke nete mundu mwe wa kumbondjia lusario: nete asioke wa kuwasaria waana wakwe wesina wawee.
12Kuwonwa kwakwe kuchike: ghati ya irika liza izina lawo lihaijwe deng’e.
13Owiwi wa wawawee wakwe ukumbukwe hakwe Mzuri: nete kutekwa kwa mee kusihaijwe.
14Matekwa ama maoke msongorana wa Mzuri misi yose: nesa achwe lukumbusho lwawo kufuma masangeni.
15Amu tekumbukaye kuwondja lusario: kake emkinya mkiwa na mwenye kuwaiya, na webaike ngoro, awakome.
16Ee, ekundie kusesa, kukamzia: na teisejwaye na kutasia, na kuneoka hae kufuma hakwe.
17Akakudoka na kusesa sa na suke yakwe: kukaingia ndeni hakwe sa mbombe, na mawindini hakwe sa mafuta.
18Kuoke hakwe sa nguo ila eidoka: na sa ngana ekuchungia kikudini misi yose.
19Iki nikyo kiingijo kya wazo wangu kufuma Mzuri: na kya wala weitetia ngoro yangu viwiwi.
20Kake uniketie, ee Izuwa Mzuri, hena lwa izina lako: amu lusario lwako ni lwedi, unikije.
21Amu ni mkiwa na mwenye kuwaiya: na ngoro yangu yawinywa ndeni hangu.
22Nateka sa kivuri kikirongeshwa: nawiritwa uko na uko sa nzighe.
23Makunguro mangu maoka manana hena kuchunga: na muri wangu waduhuka ghati ya kubanda.
24Niokiewa nguruna hawo: wekiniwona, wekushakusha mtwi.
25Unighenje, ee Mzuri Izuwa wangu: unikije hena lusario lwako.
26Nesa watisiwe ti uu ni mkono wako: ti we, Mzuri, ukiketie.
27Wala wasese, kake we utasie: wekiwuka, wenegurwa ni soni, kake mzoro wako eneizihirwa.
28Wazo wangu wadoke nguruna: wakufinikire na soni yawo wenye sa nguo.
29Ninemwanjela Mzuri muno na itumbu langu: ee, ninemwisisa ghati ya matorano.
30Amu eneimuka hena mkono wa kuume wa mwenye kuwaiya: nesa amkije mikononi ha wala weichilia ngoro yakwe.
Currently Selected:
Malumbo 109: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
