Malumbo 107
107
MUSI 22 HEYAWO
1Mng’olieni Mzuri haika, amu ni wedi: amu lusario lwakwe lwaikaa ndarasi.
2Wakombolwa wakwe Mzuri waghambe huwo: wala ewakombole mkononi ha mzo.
3Akawawunganya kufuma masanga: kufuma kifuma‐nzano na kigwa‐nzano, kufuma kaskazini na kusini.
4Wezarazara handu hesina wandu hena nzia ya shighati: wasiwone kiongo kya kutua.
5Wenye nzaa na ngiru: ngoro yawo ikasokea ndeni hawo.
6Niho wakamwiiya Mzuri ghati ya wasi wawo: akawang’ola ghati ya mawukiwa mawo.
7Akawatika pia na nzia irongeke: nesa watonge na kiongo kya kutua.
8Kashi wandu wamwisise Mzuri hena uwedi wakwe: na hena marighio makwe hena waana wa wandu.
9Amu eighusha ngoro isikia nyami: na ngoro ina nzaa eiizuja na uwedi.
10Wala weikee kijeni na mvurini ha kifwa: wekichungwa na wasi na menya.
11Amu wevigolong’ia viteto vyakwe Izuwa: wakaidaa mburi yakwe Eye wanga ya vyose.
12Hena iyo akaiseja ngoro yawo na ndima: wakagwa si, esioho wa kughenja.
13Niho wakamwiiya Mzuri ghati ya wasi wawo: akawakija ghati ya mawukiwa mawo.
14Akawang’ola kijeni na mvurini ha kifwa: akamabaabaa machungo mawo.
15Kashi wandu wamwisise Mzuri hena uwedi wakwe: na hena marighio makwe hena waana wa wandu.
16Amu emabaa maluwi ma usango: akachwa menya vihindi.
17Wetomode werishwa wasi amu ya kutekwa kwawo: na amu ya ng’oki jawo.
18Ngoro yawo yasua mbare yose ya kidjo: na wejisongeria mbenge ja kifwa.
19Niho wemwiiya Mzuri ghati ya wasi wawo: na ewakija ghati ya mawukiwa mawo.
20Eingija kiteto kyakwe, ewahodja: ewang’ola ghati ya mawongo mawo.
21Kashi wandu wamwisise Mzuri hena uwedi wakwe: na hena marighio makwe hena waana wa wandu.
22Na wang’ole matasi ma kuanjela: na wajitoranye ndima jakwe na kuvina.
23Wala wesea na bahari merikebuni: weketa lweloli ghati ya mbombe mbaha.
24Awa wejiwona ndima jakwe Mzuri: na marighio makwe ghati ya heforeke.
25Amu eaghanya, na ewusha ngungu ya zinya: nayo yakweja visibwe vyayo.
26Wekwea mtano na wanga, weseawa mtano na heforeke: ngoro yawo yachangaruka amu ya wasi.
27Wetonga uko na uko, na weshereta sa mwenye kuengea: kucha kwawo kwose kwateka.
28Niho wemwiiya Mzuri ghati ya wasi wawo: naye ewang’ola ghati ya mawukiwa mawo.
29Ehujija ngungu: mtano visibwe vyayo vyahoiya.
30Niho weizihirwa amu wesowoka: huwo ewaete mtano na bandari weikundie.
31Kashi wandu wamwisise Mzuri hena uwedi wake: na hena marighio makwe hena waana wa wandu.
32Wamkweje pia ghati ya wunganyiko la wandu: na wamwisise ghati ya lumungu lwa waghosi.
33Egharusha mifuro kuoka shighati: na maluchoro kuoka handu hena ngiru.
34Isanga lagera nezo eligharusha kuoka shighati la mbala: hena owiwi wa wala wetua uko.
35Egharusha shighati kuoka ndiwa ya mbombe: na isanga liomie kuoka maluchoro.
36Na hala ewaikaja wenye nzaa: nesa waarehe kiongo kya kutua.
37Na wahande miteme, na wadonge mizabibu: na wakuetie ndunda ja kuneta.
38Ewatasia pia, mtano wenetijwa muno: nete teshighaye ng’ombe jawo jiduhuke.
39Nawa, wekiduhuka na wekiinamijwa: hena kuinyalwa, na wasi, na wukiwa.
40Emimina kudawa wanga ya wafumwa: na ewazarija shighati, handu hesina nzia.
41Kake emkweja mkiwa wanga ekimng’ola ghati ya wasi: na emwarehia waana sa ifio.
42Wairowili wenewona, na weneizihirwa: na owiwi wose unefinga itumbu lakwe.
43Mwenye kucha eneviyoa vindu ivi: na wenemagheshijia masario makwe Mzuri.
Currently Selected:
Malumbo 107: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
