Malumbo 105
105
MUSI 21 HEYAWO
1Mwanjeleni Mzuri liitangeni izina lakwe: toranyeni mihiro yakwe ghati ya mbare.
2Mbinieni, mbinieni maluisiso: lieni mburi ya marighio makwe mose.
3Ng’areni ghati ya izina lakwe lishenete: ngoro yawo wemwenda Mzuri iizihirwe.
4Mwendeni Mzuri na zinya yakwe: endeni wusho wakwe ndarasi.
5Kumbukeni marighio makwe emaarehie: vindu vyakwe vibaha, na mawuchili ma itumbu lakwe.
6Unywi mbeu ya Ibrahimu muzoro wakwe: unywi waana wa Yakobo, wasaghurwa wakwe?
7Niye Mzuri Izuwa wetu: mawuchili makwe meoho ghati ya masanga mose.
8Elikumbuka aghanyo lakwe ndarasi: kiteto ekiaghanyie hena marika elfu.
9Lila eliarehie na Ibrahimu: kiraro kyakwe hena Isaak.
10Lila emdindijie Yakobo hena itanawo: na Israeli hena aghanyo la ndarasi.
11Ekighamba, Ninekuinga isanga la Kanaan: ifungu la uhoja wenyu.
12Wakinaoke hena kutara wandu wafaa tiki: ee, wafaa muno, na wagheni isangeni.
13Wakajunguluka kufuma mbare mtano mbare: kufuma ufumwa mwe mtano mbare ingi.
14Teshighaye mundu ose kuwaketia viwiwi: ee, ewadewere wafumwa hena lwawo.
15Ekighamba, Usiwakuware wegeriwe‐mafuta wangu: nete usiwawinye waroti wangu.
16Akaitanga nzaa ize wanga ya isanga: akalibaa isibo lose la kidjo.
17Akaingija mundu msongorana wawo: Yusuf akataghwa kuoka muzoro.
18Wakamawinya maghu makwe na mapingu: akayajwa ghati ya minyororo.
19Mtano magheri kiteto kyakwe kikinafishwe: kiteto kyakwe Mzuri kikamghesha.
20Mfumwa akaingija akamchungua: eye mwitoria mbare, akamshighiria atonge.
21Akamwosha mzuri wa nyumba yakwe: na mwitoria mali mose makwe.
22Awachunge wabaha wakwe sandu ekundie: na awaloshe waghosi wakwe kucha.
23Israeli pia akaingia na Misri: Yakobo akaikaa na isanga la Ham.
24Akawanetija wandu wakwe muno: akawaosha kudinda kukela maring’a mawo.
25Akajigharusha ngoro yawo wawasue wandu wakwe: wakete ukeleki na wazoro wakwe.
26Akamwingija Musa mzoro wakwe: na Harun emsaghurie.
27Wakawondja maluwano makwe ghati yawo: na marighio ghati ya isanga la Ham.
28Akaingija kija, akahaosha ha kija: tewevigolong’ie viteto vyakwe.
29Akagharusha mbombe jawo kuoka sakame: akajikoma nguluma jawo.
30Isanga lawo likaizua machua: ghati ya vijiwo vya wafumwa wawo.
31Akateta, makaza mafio ma shindaki: na sawa ghati ya mihaka yawo yose.
32Handu ha mvua akawainga mabwe ma mvua: na moto uaka isangeni hawo.
33Akaibigha mizabibu yawo pia na mitini yawo: akaibaa miti ya mihaka yawo.
34Akateta na nzighe jikaza: na manyongo, mesiidime kutarika.
35Jikavila vimeo vyose vya isanga lawo: jikala kugera kwa miteme yawo.
36Akawabigha pia wa‐mbele wose isangeni hawo: wabaha wa zinya yawo yose.
37Akawang’ola na fetha na thahabu: asioke mundu mnana mwe ghati ya mbare jakwe.
38Misri akaizihirwa wekinafume: amu fole yawo iokie yawaguia.
39Akawanika ijumbi hena kufinikira: na moto hena kuangaja kio.
40Wakaomba, akaete vitatakule: akawaighusha na kidjo kya wanga.
41Akajughua ibwe, mbombe jikafuma: jikatonga na handu heomie sa mfuro.
42Amu ekikumbuke kiteto kishenete kyakwe: na Ibrahimu muzoro wakwe.
43Akawang’ola wandu wakwe na luizihiro: na wasaghurwa wakwe na kuvina.
44Akawainga masanga ma mbare: wakaiuha ndima ya wandu waigure.
45Nesa wamagure maitanawo makwe; na wajiyoe sheria jakwe: Mwisiseni Mzuri.
Currently Selected:
Malumbo 105: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
