Malumbo 104
104
MUSI 20 CHAMAGHERI
1Mtasie Mzuri, ee ngoma yangu: ee Mzuri Izuwa wangu, uokie mbaha muno; udokie nganyi na ubaha.
2Wakufinikira na kyangaji sa na suke ya kudoka: uwanika majumbi sa pazia.
3Eye eiwika mighamba ya ghuu yakwe mbombeni; eye emaosha majumbi igari lakwe: eye esela wanga ya mazaghu ma ngungu.
4Eye ejiosha ngungu waondo wakwe: wahiri wakwe moto uaka.
5Eye ewika mawoko ma masanga: masiwone kuwushijwa ndarasi.
6Wamafinikira na bahari sa na nguo: mbombe jikaimuka wanga ya nduwi.
7Hena kudewera kwako jikamatuka: hena ighonda la kururuma kwako jikamanga kutonga.
8Jikakwea hena nduwi, jikasea hena mawongo: mtano handu hala ujiwikie.
9Wawika muhaka jisikele: jisihundukewa kufinikira masanga.
10Eingija maluchoro mawongoni: mevetia ghati na ghati ya nduwi.
11Meng’ola kya‐kunywa hena nyama jose ja shighati: maloitiko meiting’ija ngiru.
12Mbai yamo ndeghe ja wanga jina kutua kwawo: javina ghati ya mbagha.
13Ejinyosha nduwi kufuma vijiwo vyakwe: masanga maighuta hena kugera kwa ndima jako.
14Emeeja mani hena ng’ombe, na vimeo hena ndima ya wandu: nesa ang’ole kidjo kufuma si.
15Mvinyo ula uiseja ngoro ya wandu, na mafuta ma kuangaja wusho wakwe: na kidjo kya kudindija ngoro ya wandu.
16Miti yakwe Mzuri yaighuta: mierezi ya Lebanoni, eihandie.
17Hala ndeghe jaareha machanja mawo: na ngongolo, mirie nyumba yakwe.
18Nduwi ndeza hena mbuji ja shighati: mabwe matukio hena mbelele.
19Eaghanya mweji hena magheri: nzano yatisiwa kusea kwakwe.
20Waareha kija, na kio kioho: magheri nyama jose ja kititoni jafuma.
21Waana simba waruruma wekienda mayemo: na weenda kidjo kyawo kufuma hakwe Izuwa.
22Nzano yakwea, wetonga: wekuyaja si ghati ya mararo mawo.
23Mundu efuma hena mhiro wakwe na hena ndima yakwe: mtano chamagheri.
24Ee Mzuri, nize ndima jako ni nyingi! hena kucha ujiareha jose: masanga meizua na vilungiwe vyako.
25Hala ni bahari, mbaha na iarame: ghati yakwe vindu vibulutika visiidime kutarika, nyama ndongo na mbaha.
26Hala merikebu jatonga, na hala lewiathani: umwarehie aseke hala.
27Awa wose wekuinda we: uwainge kidjo kyawo magheri ma kuwe.
28Wekiwunganya kila uwang’olia: wajughua mkono wako, na weighuta na vyedi.
29Wauwisa wusho wako, wela wasi: waluwushija luhemo lwawo, wefwa, na weihundukia purughushe yawo.
30Waingija ngoma yako, welungwa: na wauarehawa wusho wa si.
31Kirumi kyakwe Mzuri kiikae ndarasi: Mzuri aizihirwe ghati ya ndima jakwe.
32Eye emayoa masanga, na mededema: ejikuwara nduwi, jafuma moshi.
33Ninembinia Mzuri misi yose nioho na moo: ninembinia Izuwa wangu luisiso, nikioka nakia.
34Kukusara kwangu kumnonie: nineizihirwa ghati ya Mzuri.
35Wenye ng’oki waiting’o masangeni, na wawiwi wasiokewa: mtasie Mzuri, ee ngoma yangu; mwisiseni Mzuri.
Currently Selected:
Malumbo 104: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
