Marko 9
9
1Akawawurra, Amin namburra, ti weoho weimuke aha, tewenewona kufwa, mtano weneikawawone ufumwa wa Izuwa ukiza na zinya.
2Mtano kutera kwa misi mitandatu Yesu akauha Petro na Yakobo na Yohana, akawatika ghati ya nduwi ndeza hena mbiso wenye, akagharuka msongorana wawo. 3Na nguo jakwe jaoka jakiwaa, nyewa muno sa theluji, sa tehena muaria ghati ya isanga etisiwe kuareha nyewa. 4Wakawafumia Eliya na Musa, wakaoka wekiteta na Yesu. 5Akatalua Petro amburre Yesu, Rabbi, ni keba tukae aha uswi, tuareha vianda vitatu, chako kimwe, cha Musa kimwe, cha Eliya kimwe. 6Amu tetisiwe ateteze, amu waingiwa ni fole. 7Likaoka ijumbi likawagera mvuri, likaza ighonda ghati ya ijumbi, likiteta, Uu ni Mwana wangu nimkundie, msikieni. 8Wekiyoa chwi tewewonie munduwa nde Yesu mwenye hamwe nayo. 9Wekisea ghati ya nduwi, akawaaghanya wasimtindie mundu weviwonie, nde Mwana wa Adamu eneikawuke ghati ya wefwie. 10Wakakigura kiteto hawo, wekiwujanyana, kuwuka ghati ya wefwie nikini?
11Wakambujanya, wekitita, Nikini wateta watama ti imbe Eliya kuza kuwoka? 12Akatalua, akawawurra, Eliya eza ini, ahundua vyose, na sandu itamiwe hena Mwana wa Adamu, anyamarwe muno, adawe: 13kake namburra, ti Eliya ateza, nawo watemketa wundu wekundie, sandu etamiwe. 14Ekiza hena waanalosha wakwe akawona matorano meingi, wekiwajunguluka, na watama wekiwujanyana nawo. 15Chwi matorano mose wekimbona wakairuto wakasara, wakamkezia. 16Akawawujanya watama, Muwujanya kini nawo? 17Ekitalua mwe wa matorano, akateta, Mlosha, naete mwana wangu hako, ena luhungu lusiteta; 18na hose emwuhaho embaja, naye eng’ola ifuo, eumaja majegho makwe, enyaruka, nikateta na waanalosha wako wawone kulukinya, nete wasiidime. 19Ekimtalua, ateta, Ee irika isiitikija, mtano rini nineoka henyu, mtano rini ninetikana naunywi? Mweteni hangu. 20Wakamwete hakwe. Ekimbona chwi luhungu lukambaja, ekigwasi akabingilika eking’ola ifuo. 21Akambujanya wawee, Ni rini yaoka naye ii? 22Akateta, Too umwana. Na keingi lumughera ghati ya moto na ghati ya mbombe, lumteshe, kake ukiidima kiteto, utughenje utusarie. 23Yesu akamburra, Ukiidima kuitikija, vyose vyaidima kuketika hakwe eitikija. 24Chwi akayia wawee mwana, na masoji akateta, Mzuri, naitikija, unighenje ghati ya kung’ola kuitikija. 25Ekiwona Yesu ti matorano wewughanyika wangu, akalubohia luhungu luwiwi, ekimburra, Luhungu lusiteta na ming’ani, nakuwurra, fuma hakwe, nete usiingiewa hakwe. 26Akaiya akambaja muno, akafuma, akaoka sa efwie, mtano wengi wakateta ti afwa. 27Yesu akamgura mkono, akambushija, akaimuka. 28Mtano ekifika nyumbeni waanalosha wakambujanya hena mbiso, Nikini uswi totuidime kumkinya? 29Akawawurra, Mbare iyo teidime kufuma nde hena kuomba na kuchunga.
30Wekitoka uko wakatonga ghati ya Galilaya, nete tekundie mundu atisiwe. 31Akawalosha waanalosha wakwe, akawawurra, ti, Mwana wa Adamu ang’olwa mikononi ha wandu, nawo wenemkoma, na ekidiwika kukomwa enewuka musi wa katatu. 32Awa tewetwarije ekitetie, wakaondoka kumbujanya.
33Akafika Kapernaum, mtano ekioka nyumbeni akawawujanya, Nikini mukiteta unywi na unywi ghati ya nzia? 34Wakahuja, amu wetetie nzieni, niani eye mbaha? 35Akaikaa si, akawaitanga waikumi na weri, akawawurra, Mundu ekikunda kukuoka wa kuwoka, eneoka wa nyuma wa wose na mwindi wa wose. 36Ekiuha kamwana, akamwimusha ghati yawo, akamshushudirra, akawawurra, 37Mundu enemsongerija mwe mwana sa uu hena izina langu, enisongerija mi, na mundu enisongerija mi, tenisongerija mi nde ye enituma.
38Akamtalua Yohana ekiteta, Mlosha, twambona mundu ekikinya maluhungu hena izina lako, esituratera uswi, tukamswija ya kuoka teturatera uswi. 39Yesu akateta, Msimswije, amu tehena eketa zinya hena izina langu, eneidima wangu kuniteta owiwi. 40Amu esioho wangu lwetu, ni hena lwetu. 41Amu enemnywesha mwe ndemwa ya mbombe hena izina langu, ya kuoka unywi wa Masihi, amin namburra, uzuri wakwe tounemteka. 42Naye enemtekwesha mwe wawo wadongo weniitikija, ni keba kashi, agherwe ibwe la kushagia ghati ya shingo lakwe, ataghwe ndiweni. 43Na mkono wako ukikutekwesha, uuchwie kula; ni keba uingie ghati ya moo, ukiduhuka irungo, kukela kutonga hako ghati ya jehannum mwenye mikono miri, 44ghati ya moto usijimika, funjo wawo wesina kuidiwika, nete moto toujima. 45Na kughu kwako kukikutekwesha, ukuchwie kula; ni keba uingie ghati ya moo, ukiduhuka kughu, kukela mwenye maghu meri kutaghwa ghati ya jehannum ya moto, 46funja jaho jisina kuidiwika, nete moto toujima. 47Na ijiso lako likikutekwesha, ulitaghe kula; u keba mwenye ngenge uingie ghati ya ufumwa wa Izuwa kukela mwenye meso meri kutaghwa ghati ya jehannum ya moto, 48funja jaho jesina kuidiwika, nete moto toujima. 49Mundu ose enegherrwa munyu hena moto, na matasi mose menegherrwa munyu hena munyu. 50Munyu ni wedi, nde munyu ukioka touna munyu, kinegerrwaze sororo? Muoke na munyu ndeni henyu, mrekundana unywi na unywi.
Currently Selected:
Marko 9: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
