Marko 8
8
1Misi ila, matorano mekioka meingi muno nete tewena kindu cha kula ekiwaitanga waanalosha wakwe awawurra, 2Namasaria matorano, ti ingheriaha misi mitatu weikee nami, nete tewena kindu cha kula; 3nami nikiwashigha watonge hawo wenye zaa nyumbeni hawo, wenesokea nzieni, amu weingi wawo wefumie hae. 4Wakamtalua waanalosha wakwe, Mundu eidimaze kuwaighusha na kidjo aha hesina wandu? 5Akawawujanya, Mabumunda amo muhete? Wakateta, Mafungate. 6Akawawurra matorano maikae si, ekimauha mabumunda mafungate akaomba akabaa, akawainga waanalosha wakwe, wawike msongorana, wamakawika msongorana wa matorano. 7Wakaoka na vinguluma si vingi, akatasia akawawurra na ivi viwikwe. 8Wakala, wakaighuta; wakadodola vihindi vishighajike mbinda fungate. 9Wakaoka welie sa maghana makumanne, akawashighiria watonge hawo.
10Chwi ekikwea ngalaweni, hamwe na waanalosha wakwe, wakaza ghati ya ngata ya Dalmanutha. 11Wakafuma Wafarisayo wakawoka kuwunjanya naye, wekikunda hakwe luwano ghati ya wanga, wekimghesha. 12Ekiregija ngoroni akawawurra, Nikini irika ili ikundie luwano? Amin na mburra, teineingwa irika ili luwano. 13Ekiwuka hawo, akakweawa ngalaweni, akaza sela.
14Nawo wateiwaa kuete mabumunda, nete teweoho nawo ghati ya ngalawa nde ibumunda imwe. 15Akawaaghanya ekiteta, Yoeni, muyoe chachu la Wafarisayo na chachu la Herode. 16Wakaghambana wonawo, wekiteta, ti totuna mabumunda. 17Ekitisiwa Yesu awawurra, Nikini mughambana ti mabumunda tomna? Tomumekusara? nete tomumetwarija? muna ngoro mtano ingeriaha teiwona? 18Mukioka na meso tombona? mukioka na masikio tomsikia? nete tomkumbuka? 19Nikinamabae mabumunda masano hena maghana ikumi na masano mbinda ijo mdodole jizue malumong’o? 20Wakamburra, Ikumi na mbiri. Na fungate meoho hena maghana ikumi na manne mbinda ijo jiizujwe na vibaje muvidodole? 21Wakateta, Fungate. Akawawurra, Nizewa tomtwarija?
22Ekiza mtano Betsaida, wamwetie ebajike‐meso, wamsembe amkuware. 23Ekimuha ebajike‐meso mkono, akamwete mtano some ya kaa, akatufa mate wanga ya meso makwe, akambikia mikono, akawujanya ti awona kindu. 24Akayoa wanga akateta, Nawona wandu, sa miti nawona wekisela. 25Akambikiawa mikono wanga ya meso makwe, akamuareha ayoe wanga, akahoa, akawona na raa vyose. 26Akamtuma nyumbeni hakwe, ekiteta, Usiingie ghati ya kaa, nete usimburre mundu wa kaa.
27Akafuma Yesu na waanalosha wakwe hena vikaa vya Kaisariya Filipo, mtano njieni akawawujanya waanalosha wakwe ekiwawurra, Wandu weteta mi niani? 28Wakatalua, Yohana Mbatizaji; na weingi, Eliya; na wengi, mwe wa waroti. 29Ye akawawurra, Unywi mutetaze mi nimi ani? Ekitalua Siman Petro amburre, We Masihi. 30Akawaghanya wasimburre mundu mburi jakwe. 31Akawoka kuwalosha ti yambe Mwana wa Adamu kunyamarwa kwingi na kusuwa ni waghosi na wakohani wabaha, na watami, na kukomwa, na kutera kwa misi mitatu kuwuka. 32Akateta kiteto iki na some. Akamuha Petro akawoka kumbohia. 33Akagharuka akawayoa waanalosha wakwe, akambohia Petro, ekiteta, Tonga hako nyuma yangu, shetani, amu toukusara evya Izuwa, nde vya wandu.
34Ekiwaita nga matorano hamwe na waanalosha wakwe, akawawurra, Ekundie kuratera nyuma yangu, akukanie awushije msalaba wakwe, aniratere. 35Amu ekundie kukija ngoro yakwe, eneitesha, ekundie kutesha ngoro yakwe hena lwangu, na hena lwa Anjili, eneikija. 36Inembeyia kini mundu, ekibigha mbucha ya masanga mose, ekitesha ngoro yakwe? 37Kana mundu ang’ole kini hena ngoranya ya ngoro yakwe? 38Ewona soni hena mi na viteto vyangu, ghati ya irika ili la kushinda na kutekwa, naye Mwana wa Adamu enewona soni hena ula, eneikaeze ghati ya uwedi wa wawee hamwe na malaika wedi.
Currently Selected:
Marko 8: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
