Marko 7
7
1Wakambunganyikia Mafarisayo na weingi wa watama, wefuma ghati ya Yerusalemi, 2wakawawona wengi wa waanalosha wakwe wekila vidjo na mikono miwiwi, niyo isiojiwe. 3Amu Wafarisayo na Wayahudi wose wesioje mikono muno, tewela, wekighura mauhio ma waghosi: 4nete kufuma ghati ya kichinda, wesigherire mbombe tewela, na mengi ni meingi wemauhie kughura, kughera mbombe ndemwa, na mianje, na vindu vya usango, na meza. 5Niho wakambujanya Wafarisayo na watama, Nikini waanalosha wako tewetonga hena mauhio ma waghosi, kake wela kidjo na mikono miwiwi? 6Akatalua akawawurra, ti Nezo eng’olie mroti Isaya hena unywi warenge, sandu itamiwe, Wandu awa wenigurie nganyi na miomo, ngoro jawo jaoka hae hangu. 7Hena malinganyo waniomba, wekilosha malosho, vindu vya waana Adamu. 8Amu mukiwushija kuaghanya kwa Izuwa, mughura mauhio ma wandu, kugherwa mbombe mianje na ndemwa, na mengi sa ama meingi muareha. 9Akawawurra, Nezo muwika hae kuaghanya kwa Izuwa, muwone kurinda mauhio menyu. 10Amu Musa etetie Uwaghurie nganyi waweeo na mamako, naye emteta kiwiwi wawee kana mee hena kufwa ateke. 11Naunywi mteta, Mundu ekimburra wawee kana mee, Korban (nikyo itasi) unetijiwe nami, 12nete tomumshigha eareha kiteto wawee kana mee, 13mkinyamara kiteto cha Izuwa hena mauhio menyu mmauhiie, na mengi sa ama meingi mwareha.
14Ekiwaitanga matorano mose akawawurra, Nisikieni wose, mutwarije. 15Tehena kindu kioho some ya mundu kikimwingia, kiidima kumghera owiwi, kake vifuma ghati ya hakwe nivyo vimghera owiwi. 16Mundu ekioka na masikio ma kusikia, asikie.
17Mtano ekinaingie nyumbeni ghati hena matorano, waanalosha wakwe wakambujanya ifwanano. 18Akawawurra, Hae na unwi tomna kucha? nete tomkusara ti kyose kioho some kikimwingia mundu tekidima kumughera owiwi? 19ti tekimwingia ngoroni, nde ndeni, na kifuma ghati ya kubalia, kizerija vidjo vyose? 20Akateta, Kimfuma mundu nikyo kimghera owiwi; 21amu ghati ya ndeni, ghati ya ngoro ya mundu, mefuma maberati mawiwi, 22kushinda, ubuya, kukoma, kulangwa, owiwi, inghelighisho, utiri, ijiso la owiwi, virigho, kukuisisa, kutomoda; 23ama mose mawiwi mefuma ghati ya ndeni, namo memghera mundu owiwi.
24Ekiwuka uko akaza ghati ya mihaka ya Turo na Sidona, na ekiingia ghati ya nyumba ekundie mundu asitisiwe, nete teidima kuwiswa. 25Amu mche esikia vindu vyakwe, mwana wa kiche wakwe ekioka na luhungu luwiwi, ekiza akamguia maghuni. 26Naye mche eokie Helleni, hena mbare Msurofenissa, akamwomba amkinye luhungu ghati ya mwana wakwe. 27Yesu akamburra, Washighe waana waighute kuwoka, amu si kyedi kuuha kidjo cha waana na kukiwiritia hena nguro. 28Akatalua, akamburra, Kididi, Mzuri, amu mtano nguro si ya meza wela ghati ya kugwa kwa waana. 29Akamburra, Hena kiteto hiki tonga hako, luhungu lwafuma ghati ya mwana wako. 30Ekifika nyumbeni hakwe akawona luhungu lwafuma, na mwana wakwe eyejwe wuini.
31Ekifumawa ghati ya mihaka ya Turo na Sidona, akaza ha ndiwa ya Galilaya, ghati ya mihaka ya Dekapoli. 32Wakamtikia ming’ani esiteta nezo, nawo wamsemba amghere mkono. 33Ekimbushija ghati ya matorano, hena mbiso, akaghera vichaa vyakwe masikioni hakwe, akatufa mate, akamkuwara lumi. 34Ekiyoa wanga Izuwa akasumukia, akamburra, Effatha, nikyo Jughuke. 35Chwi masikio makwe makajughuka, na ikano la lumi lwakwe likateruka, akateta nezo. 36Akawaaghanya wasimburre mundu; sandu ewaaghanye, wakaneta muno kutete; 37wakareghija kikaitala, wekiteta, Aareha vyose nezo, awaarehie ming’ani wasikie na bubu watete.
Currently Selected:
Marko 7: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
